Փաստ ինֆո

Ուստի պետք չի ուտել Փաշինյանի կտերը և կամա ու ակամա առաջ տանել նրա օրակարգը։ Այդ մասին Ֆեյսբուքի իր էջում գրել է Զանգի հավելվածի հիմնադիր Վահրամ Մարտիոսյանը։« Ինչպես ցանկացած այլ կայսրություններ ռուսները նույնպես ունեն իրենց ուրույն էքսպանսիոն մոդելը։ Եվ վերջին մի քանի հարյուր տարում Ռուսաստանի մոտեցումները այս հարցում չեն փոխվել։ Իրենց ուրույն մոդելները ունեին նաև Պորտուգալին, Իսպանիան, Հոլանդիան, Ֆրանսիան և Անգլիան։ Պատմությունը ցույց տվեց, որ ամենահաջողված էքսպանսիոն մոդելը դա բրիտանացիներինն էր, հետո գալիս են ռուսները, իսկ մնացածների մոդելները կարելի է համարել չհաջողված։

Երբ ԱԽՔ-ը հայտարարում է թե մեզ ռուսները ցանկանում են «ուտեն», դա իրենից ոչ մի նորություն չի պարունակում։ Այդ հայտարարությունը արվում է հիմա և ներկայացվում է որպես նորություն, որպեսզի առաջ տարվի այն թեզը թե խեղճ Նիկոլը ինչ անի, սաղ էդ ռուսներն են, հերիք չի Բերձորի միջանցքն են փակել, դեռ մի հատ էլ ցանկանում են մեզ մտցնեն իրենց կազմ։

Այս ամենը այնքան պարզ է, որ պետք է տալ մեկ հասարակ հարց՝ բա ինչու՞ Բելառուսի դեսպանը նման մտքեր չի արտահայտում օրինակ Ադրբեջանում կամ Ղրղզստանում։ Իսկ պատասխանը շատ պարզ է՝ Որովհետև այդ երկրները այնքան թույլ չեն, որ իրենց պետականության նկատմամբ որևէ մեկը կարողանա նման ոտնձգություն թույլ տալ։ Ըստ այդմ պատճառահետևանքային կապը պետք է ճիշտ ներկայացնել։

Պատճառը մեր թուլացած պետականությունն է, հետևանքը՝ Բելառուսի դեսպանի անբարո ակնարկները։

Ուստի պետք չի ուտել Փաշինյանի կտերը և կամա ու ակամա առաջ տանել նրա օրակարգը։ Մեր խնդիրների սկզբնաղբյուրը ռուսը չի, մեր խնդիրների սկզբնաղբյուրը մենք ենք, իսկ ավելի կոնկրետ մեր երկրի կառավարումը զավթած ապիկար-դավաճանական ռեժիմը»,-գրել է նա։

Աղբյուր` Փաստինֆո