Փաստ ինֆո

Ի՞նչ եք հիշում ՀՀ իշխանությունների ջանքերից՝ Լաչինի միջանցքի փակման հետ կապված։ Այն, որ Արարատ Միրզոյանը չի՞ գնացել Մոսկվա։ Պատկերացնում եք՝ ինչքան ապուշի տեղ պետք է դնել սեփական ժողովրդին ու մնացածին, որ ասես՝ «ՌԴ, դու ես պատասխանատուն, մեղավորը Լաչինի միջանցքը փակելու համար», բայց դրա փոխարեն զանգում են Ֆրանսիա, Բրյուսել, Վաշինգտոն և այլն։ Սա էլ փոշեկուլ չի, որ փոշեծծես ձեր տանը, Արարատ Միրզոյան։ Սա ավելի լուրջ գործ է։ Այս մասին ամփոփիչ ասուլիսին ասաց ՀՀԿ փոխնախագահ Արմեն Աշոտյանը։

«Այսինքն՝ դու չես գնում այնտեղ, որտեղից կախված է Լաչինի միջանցքի բացումը, որովհետև դու Լաչինի միջանցքով ես զբաղված այն տեղերում, որտեղից կախված չէր միջանցքի բացումը»,- նշեց Արմեն Աշոտյանը՝ հավելելով, որ սա դեմարշ էր, բայց եթե դեմարշ էին ցանկանում անել, ապա թող չգնար փալասի պես Պետերբուրգի թանգարաններում իրենով պոլերը սրբեին, ճանապարհ դնեին, դա կլիներ դեմարշ։
Աշոտյանն արձանագրեց, որ այսօր ապրում ենք մի իրականությունում, որտեղ հայ ժողովրդին տանում են ֆիզիկական բնաջնջման նոր սպառնալիքի, Հայաստանի իշխանությունները կազմակերպում են Ցեղապսանությունների կանխարգելման ֆորում՝ առանց ցեղասպանությունների.« Ինչ եք հիշում այդ ֆորումից, մի բան՝ մի հատ եվրոպացի տիկին Նիկոլին ասաց՝ դու չեմպիոն ես, բալես, ժողովրդավարության չեմպիոն։ Ինչ եք հիշում ՄԱԿ-ի ԱԽ քննարկումներից՝ բացի մի քանի լավ ելույթներից, թուղը ուր էր, հայտարարությունն ուր էր»։

Շարունակելով միտքը՝ Արմեն Աշոտյանը հիշեցրեց նաև ԱԽ քարտուղար Արմեն Գրիգորյանի հայտարարությունը, համաձայն որի՝ Հայաստանին ստիպում են միանալ Միութենական պետությանը։

«ԱԽ քարտուղար կոչվող առարկան երկու օր առաջ ինչ էր ասում։ Նույն օրը, երբ Նիկոլը Պուտինի հետ էր, ինքը Հանրային ՀԸ եթերում այն աստիճանի հիմարաբարո կերպով, որ նույնիսկ Պետրոս Ղազարյանն էր զարմացել, հայտարարում է, թե Միութենական պետություն են ստիպում մեզ մտնել։ Այդ սրիկաները մեզ այնքան են խաբել, որ արդեն վստահ էի, որ ինչ-որ բան այն չէ Արմեն Գրիգորյանի ասածի մեջ։ Հաջորդ օրը, երբ մյուս առարկան՝ բեղավոր, գնաց և փորձեց սվաղել նախորդ առարկայի արտաթորանքը, պարզ էր, որ «ռեբյատա զաիգրալիս»։ Ակնհայտ է, որ դա գոյություն չունեցող քաղաքական մանիպուլյատիվ սյուժե էր, որ իրենք բեմ էին նետում որպես անկախականներ դիրքավորվելու համար»,- նշեց Արմեն Աշոտյանը։

Աղբյուր` Փաստինֆո