Փաստ ինֆո

Այն ,ինչ կատարվում է մեր երկրի հետ, դժոխք է հիշեցնում, մարդիկ առավոտյան արթնանում են և ուզում են հասկանալ՝ ինչ նոր վատ բան է եղել երկրի հետ: «Փաստինֆո»-ի հետ զրույցում ասել է քաղաքագետ Երվանդ Բոզոյանը՝ ամփոփելով անցնող տարին:

«Ես չեմ կարծում, այս տարին նախորդ տարվանից ավելի լավն էր կամ վատը, մենք գնալով ավելի վատ վիճակի մեջ ենք հայտնվում: Մինչև 2018թ-ը, լավ, թե վատ, Հայաստան ունեինք, իսկ 2018թ-ից հետո մենք անընդհատ ցնցումների մեջ ենք, որոնցից միայն բացասական հետևանքներ ենք տեսնում: Երբ իշխանության ղեկին են մարդիկ, որոնք անգրագետ են, փորձ չունեն, իրենք բոլոր ոլորտներում ձախողում են: Մենք տեսանք պատերազմ, կորուստներ, մահեր, հազարավոր երեխաների մահեր և երաշխավորված չենք, որ վաղը նոր մահերի ականատես չենք լինի: Այսօր Արցախն է շրջափակված, մյուս օրը կարող ենք տեսնել, որ արդեն Սյունիքն է վտանգի տակ: Սա մղձավանջ է, որը պետք է ավարտվի: Եթե ժողովուրդը չի հասկանում, որ այսպես ապրել չի կարելի, ապա կունենա այն արդյունքը, ինչ ունեցավ 1915թ-ին »,-ասում է քաղաքագետը:

Երվանդ Բոզոյանի խոսքով՝ 2020թ-ից հետո Հայաստանում ժամանակը կանգ է առել, պատերազմից հետո Հայաստանը գնում է դեպի կործանում.

«Սրա մասին խոստովանել է նաև Հայաստանի ղեկավարը, իր ինքնաասուլիսներից մեկում նա էլ հայտարարեց, որ Հայաստանը գլորվում է դեպի կործանում, բայց ես չեմ զգում որ մեր հասարակության մեջ կա բնազդ, մարդիկ տոնածառ են դնում, ուրախության մեջ են, կարծես՝ մենք Ֆրանսիայում կամ Բելգիայում ենք ապրում»,-ասում է զրուցակիցը:

Քաղաքագետը նշում է ՝ թեև մենք կանգնած ենք լրջագույն մարտահրավերների առաջ, ունենք անվտանգային լուրջ սպառնալիքներ, տնտեսական հեռանկարի անորոշություն, մարդկանց սոցիալական վիճակը շատ ծանր է, բայց հանրության շրջանում չի նկատում անվտանգային բնազդ և անհանգստություն.

«Իմ տպավորությամբ՝ այն բթացված է»,-հավելեց նա:

Աղբյուր` Փաստինֆո