Փաստ ինֆո

ԲԴԽ-ում խիստ գրաքննություն է իրականացվում, ընդունելի չէ որևէ քննադատություն՝ ուղղված Խորհրդին և առավել ևս՝ Խորհրդի նախագահ Կարեն Անդրեասյանին։ Ինչպես արդեն հայտնի է՝ երեկ ավարտվել է Երևանի ընդհանուր իրավասության դատարանի դատավոր Աննա Փիլոսյանին կարգապահական պատասխանատվության ենթարկելու միջնորդության քննությունը, Խորհուրդը հեռացել է խորհրդակցական սենյակ՝ որոշում կայացնելու։ Ռոբերտ Դավթյանը ԲԴԽ ֆեյսբուքյան էջում հրապարակված տեսանյութի ներքո մեկնաբանություն էր թողել, որը հեռացվել է, թեև որևէ վիրավորական խոսք, հերյուրանք առկա չի եղել, բացառապես՝ առողջ քննադատություն կամ դիտարկումներ՝ գործի քննության առնչությամբ։

«Շնորհավորում եմ բոլորիս, Աննա Փիլոսյանի ցուցադրական երկու նիստերով արձանագրվեց.

1. ԲԴԽ նախագահը կարող է փոխարինել նախարարին, մեղադրել դատավորին և այլն.

2.Նիստերը չեն հետաձգվում դատավորի վատառողջ լինելու և նիստին մասնակցելու հնարավորություն չունենալու կապակցությամբ, նույնիսկ եթե փայլուն ելույթ ունեցող դատավոր ես (դա կազմին հայտնի է նախորդ նիստից), ոչ թե օրինակ գալու ես գլուխդ կախ նստես (բացառություն է, եթե մականուն ունեցող դատավոր ես, օրինակ՝ «Մարսո»),

3.Ապացույց ներկայացնելու անհրաժեշտությամբ պայմանավորված նիստերը չեն հետաձգվում, նույնիսկ՝ երեք օրով,

4.Հետաձգված նիստին ներկայացված ապացույցները կարող են չկցվել գործին և չքննարկվել, չէ սա սահմանադրական օրնքի՝ Օրենսգրքի փոփոխություն չէ երեք օրում կազմակերպված, սա ԲԴԽ դիտկատուրայի նոր արտահայտման ձև է,

5. ԲԴԽ անդամները եզրափակիչ ելույթների փուլում հարցեր տալու իրավունք չունեն, նացառությամբ նախագահի, ով կարող է անկաշկանդ խոսել, մեկնաբանել, նույնիսկ՝ կարծիք հայտնել»,- նշել էր Դավթյանը։

Աղբյուր` Փաստինֆո