Փաստ ինֆո

Լաչինի միջանցքը բացելու համար բոլոր ուղղություններով բանակցություններ են տարվում: Մեծ աշխատանք է տարվում միջազգային ճնշումը բարձրացնելու ուղղությամբ:Ազգային ժողովում լրագրողների հետ զրույցում ասել է «Քաղաքացիական պայմանագիր» խմբացության պատգամավոր Արմեն Խաչատրյանը.

«Օրեր առաջ ՄԱԿ-ում խորհրդակցություն տեղի ուենցավ, սա նույնպես միջազգային լուրջ ճնշում էր: Հարցն այն է՝ արդյո՞ք միջազգային այդ ճնշումները բավարար են, որպեսզի Ադրբեջանը վերջ տա իր սադրիչ գործողությունների: Այս պահի դրությամբ ճանապարհը դեռևս մնում է փակ»,-ասաց նա:

Նրա խոսքով՝ ռուս խաղաղապահների գործառույթների ուղղությամբ են նաև աշխատանքներ իրականացվում.
«Պահանջներ կան նաև ռուս խաղաղապահներին, որ իրենց առաջ դրված խնդիրը լուծեն, պարտավոր են, բայց հարց է առաջանում՝ կարողանո՞ւմ են լուծել, թե՞ ոչ։ Կարծում եմ՝ նրանք ի զորու են այդ խնդիրը լուծել, ուղղակի ժամանակի հարց է, ամեն ինչ արվում է, որ էսկալացիոն պրոցեսներ չլնեն», - ԱԺ-ում լրագրողների հետ զրույցում հայտարարեց Խաչատրյանը։

Նա հայտարարեց, թե ռուս խաղաղապահները Ադրբեջանի ու Թուրքիայի ճնշման տակ են։

Աղբյուր` Փաստինֆո