Փաստ ինֆո

8-րդ օրն է՝ Լաչինի միջանցքն արգելափակված է։ Հսկայական ջանքերի գնով հնարավոր դարձավ վերականգնել գազամատակարարումը, բայց Արցախը դեռ շարունակում է կտրված մնալ Հայաստանից ու աշխարհից։ Ֆեյսբուքյան գրառմամբ հիշեցրել է գրող Նարինե Աբգարյանն ու մանրամասնել․

«Խանութների դարակները դատարկվում են, սպառվում է կաթնամթերքը, միրգն ու բանջարեղենը։ Չկա կաթնախառնուրդ ու տակդիրներ նորածինների համար։ Դեղատներում արդեն չկան առաջին անհրաժեշտության որոշ միջոցներ։ Կանխիկ դրամի խնդիր կա։

120 հազար մարդ հայտնվել է տոտալ շրջափակման մեջ՝ 90 ահզար չափահաս և 30 հազար երեխա։

1100 մարդ չի կարողանում միանալ իր ընտանիքին՝ հայտնվել է միջանցքի տարբեր կողմերում․ նրանցից 270-ը երեխաներ են։
11 հիվանդ գտնվում է Ստեփանակերտի հիվանդանոցի վերակենդանացման բաժանմունքում, 11 երեխա՝ «Արևիկ» բումիավորման վերակենդանացման բաժանմունքում։

Հիվանդներից 5-ն անհապաղ Հայաստան տեղափոխվելու կարիք ունեն, որոնցից մեկը երեխա է։
Ես չեմ գրելու միջազգային հանրության մասին, Աստված իրենց հետ։ Ես ուզում եմ շնորհակալություն հայտնեմ իմ արցախցիներին, Հայաստանում ապրող հայերին և Սփյուռքին՝ իրավիճակը սթափ գնահատելու համար։ Մենք բավականին թանկ գին ենք վճարում նրա համար, որ չենք տրվում քաղաքական շանտաժի։ Բայց ընտրության այլ տարբերակ չունենք, այլապես մենք կկորցնենք մեր պետականությունը։ Սիրում և հպարտանում եմ ձեզնով։ Չենք հանձնվում»։

Աղբյուր` Փաստինֆո