Փաստ ինֆո

Հռոմի Ֆրանցիսկոս պապը մտահոգություն է հայտնել Լաչինի միջանցքի փակման հետևանքով Արցախում ստեղծված հումանիտար աղետի հետ կապված: Այս մասին հայտնում է Vaticannews-ը։

«Շուրջ 120 000 հայեր, այդ թվում՝ 30 000 երեխաներ, ապրում են անկլավում, և ենթադրյալ ճանապարհների փակումը նրանց մեկուսացրել է աշխարհից և զրկել սննդից, դեղորայքից և առաջին անհրաժեշտության պարագաներից»,- նշված է Վատիկանի տարածած հաղորդագրության մեջ:

Հռոմի պապը բոլոր կողմերին կոչ է արել գտնել «խաղաղ լուծումներ՝ հանուն ժողովրդի բարօրության»։

Հռոմի պապն ասել է, որ «անհանգստացած է Հարավային Կովկասում Լաչինի միջանցքում ստեղծված իրավիճակով».
«Ինձ անհանգստացնում են մարդկանց հումանիտար անկայուն պայմանները, որոնք ձմեռային սեզոնի ընթացքում հետագա վատթարացման վտանգի տակ են»,-ասել է նա:

Աղբյուր` Փաստինֆո