Փաստ ինֆո

Մեր տարածաշրջանում մեծ է նոր պատերազմի վերսկսման վտանգը:Այս մասին «Փաստինֆո»-ի եթերում հայտարարել է միջազգայնագետ Գրիգոր Բալասանյանը.

«Լաչինի միջանցքում տեղի ունեցող իրադարձությունները, հինգշաբթի հայկական սահմանամերձ գյուղերի ուղղությամբ Ադրբեջանի կրակոցները ամբողջության մեջ դիտարկելու պարագայում՝ ակնհայտ է դառնում, որ նոր պատերազմի վերսկսման վտանգը մեծ է: Այն չի լինելու հայ-ադրբեջանական պատերազմ, այլ լինելու է պատերազմ՝ բոլորը-բոլորի դիմաց»,-ասաց փորձագետը:

Բալասանյանի դիտարկմամբ՝ ամենավտանգավորը այս պատերազմում կարող է լինել այն, որ դրան կարող են միջամտել դրսի խաղացողներ, ինչը տարածաշրջանը «պայթեցնելու» իրական վտանգ է.

«Այս պարագայում հենց Իրանը ու Ռուսաստանը պետք է շահագրգռված լինեն, որ Լաչինի միջանցքի դեպքերը չկրկնվեն, Ադրբեջանին բերեն կառուցողական դաշտ ու սկսի բանակցել»-ասաց նա:

Փորձագետի խոսքով՝ տարածաշրջանում նոր պատերազ սկսվելու դեպքում՝ Իրանի «նոր դեմքով» է հանդես գալու, ինչը լուրջ անհարմարություններ է ստեղծելու Ադրբեջանի ու Իսրայելի համար:

Մանրամասները` տեսանյութում

Աղբյուր` Փաստինֆո