Փաստ ինֆո

Վերջին օրերի լարվածությունը,միջադեպերը, ճանպարհ փակելը և այլնը Հայաստանի դեմ Ադրբեջանի կողմից վարվող հիբրիդային պատերազմի հերթական դրվագ է։ «Փաստինֆո»-ի հետ զրույցում ասել է ռազմական փորձագետ Կարեն Վրթանեսյանը։

Նրա համոզմամբ՝ քանի դեռ հայկական կողմից որևէ դիմադրող, հակակշռող գործոն չկա Ադրբեջանի զորքին, ապա խոսակցությունները, բանակցությունները, լացակումած լայվերը, Ազգային ժողովի նիստին կուրծք ծեծելը, թե վա՜յ, մեզ ցեղասպանում են ոչ մի արդյունք չեն տալու։ Այս առումով ռազմական փորձագետը շեշտեց՝ Ադրբեջանի միակողմանի, լկտի, ռազմատենչ գործողություններին դիմադրելու միակ ձևը դա ինչ-որ ռազմական հակակշիռն է։

«Եթե մենք ունենայինք իրական ռազմական հակակշիեռ,օրինակ՝ Արցախի պաշտպանության բանակը մնար 20 հազար հոգի, ինչպես նախկինում էր, Հայաստանի զինված ուժերը արագ վերականգնվեին, վերազինվեին ու շարք մտցվեին, եթե նոր դիրքերը արագ ամրացվեին, և այլն, Ադրբեջանը շատ ավելի քիչ տեղ ու հնարավորություն կունենար նման գործողությունների»,- նշեց Կարեն վրթանեսյանը՝ հավելելով, որ Հայաստանում իրականում տեղի ունեցավ հակառակը։

Փորձագետի դիտարկումներով՝ Ադրբեջանի աավելագույն ծրագիրն այս տարածաշրջանում հայկական ներկայության վերջն ընդհանրապես տալն է։ Ընդ որում, նշում է Վրթանեսյանը, դա և՛ Թուրքիայի և՛ Ադրբեջանի շահերից է բխում, ընդ որում՝ երկարաժամկետ։ Այսինքն՝ այդ երկու երկրներն էլ պատրաստ են նույնիսկ բավականին կորուստների գնալ, հանուն այս տարածաշրջանում հայերից ընդհանրապես ազատվելու։ Որովհետև շատ լավ հասկանում են, որ եթե Հայաստանի շահերով առաջնորդվող մի իշխանություն գա, Հայաստանը նորից կդառնա իրենց համար անհասանելի մի ամրոց։ Դրա համար ռեսուրսներ կային, նույնիսկ 2020-ի նոյեմբերի 10-ին, ասաց ռազմական փորձագետը և որպես օրինակ հիշեցրեց փաստը, որ շատ երկար ժամանակ տևեց, մինչև Ադրբեջանը կարողացավ առանց որևէ կրակոցի հանձնված Քարվաճառ ռեալ զինուժ բերել։

«Մինչև հիմա էլ Ադրբեջանցիների զինուժի զգալի մասն Արցախի շուրջ է․ Այսինքն՝ նույնիսկ հաշմված, անտերության մատնված Արցախը միևնույն է լրջագույն մարտահրավեր է Ադրբեջանի համար։ Ադրբեջանը շատ զգույշ է այս հարցում։ Հասկանանք նաև, որ նույն Շուշիում, նույն Բերձորում Ադրբեջանի զորքերը կտրված են իրենց հիմնական ուժերից։ Այդքան էլ իրենք ապահով, անվտանգ և ուժեղ չեն, որքան մեզ են այստեղ համոզում։ Այնպես չէ, որ Ադրբեջանն անխոցելի է»,- շեշտեց Կարեն Վրթանեսյանը։

Ավելի մանրամասն՝ տեսանյութում

Աղբյուր` Փաստինֆո