Փաստ ինֆո

Իրավագետ Վահե Գրիգորյանի դիտարկամբ՝ ստեղծված վիճակից դուրս գալու երկու տարբերակ կա. կամ հանձնվել ու ցեղասպանվել,, կա'մ էլ պատերազմել,զոհեր տալ, բայց կանխել ազգի բնաջնջումը։ «Արցախի շուրջ տեղի ունեցողը վառ վկայությունն է նրա, որ Արցախը ադրբեջանի կազմ բռնակցելու ցանակցած փորձ նշանակում է Արցախի Հայության գենոցիդ.

Հայաստանի սահմանների շուրջ տեղի ունեցողն էլ վառ վկայությունն է նրա, որ ադրբեջանին ցանկացած զիջում նշանակում է զիջումների ու զոհերի անվերջ շղթա:

Հայաստանի ու Արցածի շուրջ տեղի ունեցողը ընդհանուր առմամբ Հայկական հարցի արևելյան բաղադրիչն է, որը որևէ խաղաղության պայմանագիր ու զիջում չի լուծելու:

Կա երկու պրակտիկ տարբերակ. կա'մ լուռ հանձնվել ու կամավոր գնալ գենոցիդի, կա'մ էլ պատրաստվել երկարատև դիմադրության` պատերազմի, որի պարագայում Հայկական կողմի կորուստների թիվը գերազանցելու է տասը հազարը, սակայն սա է այն գինը, որով Հայությունը կարող է կանխել սեփական Հայրենիքում իր իսկ գենի ու գոյության ոչնչացումը:
Մնացած տարբերակները` բանակություններ, զիջումներ, փոխզիջումներ, արտաքին ազդակներ, շատ կարճաժամկետ էֆֆեկտ են ունենալու` 1 շաբաթից մինչև 1 տարի.

Արցախի 7 շրջանների, Հադրութի ու Շուշիի հանձնումից հետո թշնամին չդադարեց կրակել, չդադարեց նաև ՀՀ սուվերեն տարածքի մի մասը օկուպացնելուց հետո. Արցախն էլ հանձնեք, Սյունիքն էլ, Հայաստանի 90%-ն էլ, մեկ է, թշնամին չի դադարելու թշնամի մնալ ու աչքը մի բուռ Հայկականի վրա պահել: Ընդ որում` որքան զիջենք, այնքան հետո ավելի բարդ է լինելու դիմադրելը ու կռիվ տալը. Քարվաճառի ու Շուշիի հանձնումնը, որպես վառ օրինակ, հանգեցրեցին Սյունիքի, Գեղարքունիքի, Վայոց Ձորի ու Ստեփանակերտի պաշտպանունակության կտրուկ անկման:

Սա դաժան է, բայց իրականություն է` միակ իրականությունը:
Քաղցր ստի, պաթոսի ու ինքնախարազանման սիրահարներին հայցում եմ այլ անձանց դիմել. պակասն էլ, մանավանդ, չկա»,-Ֆեյսբուքի իր էջում գրել է նա:

Աղբյուր` Փաստինֆո