Փաստ ինֆո

«Ես կարծում եմ, որ քչերն էին տեղյակ Բիշքեկում Փաշինյան-Պուտին հանդիպման օրակարգից։ Ամենայն հավանականությամբ, Փաշինյանն էլ նախապես ոչինչ չգիտեր այդ մասին», - «Փաստինֆո» - ի եթերում հայտարարել է անկախ փորձագետ Սերգեյ Շաքարյանցը։

Փորձագետը շեշտեց Վ. Պուտինի անկանխատեսելիության գործոնը՝ նշելով, որ Ռուսաստանի առաջնորդի այդ որակը «ճանաչում է նույնիսկ Արևմուտքը»։ «Ուկրաինայում ինչ-որ մեկը կարող էր ենթադրել, որ կսկսվի փետրվարի 24ը։ Հավանաբար կարծում էին, որ «աննկատ խրամատով» գնալու են ՆԱՏՕ-ի շտաբի հրամանով՝ այնտեղից նշված ուղղությամբ։ Բայց Պուտինի որոշումն անկանխատեսելի էր։ Այն, ինչ այսօր տեղի է ունենում Ուկրաինայում, այլ հարց է, բայց վերադառնալով Բիշքեկ՝ նշեմ, որ հազիվ թե գագաթնաժողովի մասնակիցներից որեւէ մեկը կարող էր նախապես ինչ-որ բան ենթադրել, ընդհուպ մինչեւ հանդիպման ավարտը», - կարծում է Շաքարյանցը։

Զարգացնելով թեման՝ զրուցակիցը հիշեցրել է նաև այն, որ Երևանում Վլադիմիր Պուտինը բոլորի համար անսպասելի հանդիպել է Արայիկ Հարությունյանի հետ։ Այս հանդիպման մանրամասները հայտնի չեն, թեև ակնհայտ է, որ համաշխարհային տերությունների առաջնորդները հենց այնպես այլ կարգի մարդկանց չեն հանդիպում։ «Գիտեք, թե Լևոն Տեր-Պետրոսյանի բանագնացները քանի անգամ են մեկնել Մոսկվա (հատկապես 2008թ. մարտի 1-ի դեպքերից առաջ), բայց Պուտինին, չնայած բոլոր ջանքերին, նրանց չի հաջողվել տեսնել», - նշել է նա։

Պուտինի, Փաշինյանի և Ալիևի մասնակցությամբ տեղի կունենա արդյոք եռակողմ հանդիպում, ըստ զրուցակցի, դժվար է կանխատեսել։ Նա նշել է, որ Ալիևի վրա հիմա ուժեղ ճնշում է գործադրվում, Ընդ որում՝ բոլոր կողմերից։ Մինչդեռ, ամերիկյան ձեռներեցության ինստիտուտի (American Enterprise Institute) փորձագետ, վերլուծաբան Մայքլ Ռուբինը, Շաքարյանցի խոսքով, բացահայտ հայտարարել է, որ «ոչ ոք ավելի շատ քայլեր չի ձեռնարկել Թուրքիայի կողմից հայերի եւ քրդերի ցեղասպանությունը հանդուրժելու ուղղությամբ, քան Բայդենն ու Բլինքենը։ Այս մասին Ռուբինը բազմիցս հայտարարել է հրապարակավ և բարձրաձայն»։

«Ես զարմանում եմ Երևանի և Հայկական սփյուռքի լռության վրա։ Այդ կապակցությամբ ոչ մի հրապարակային հայտարարություն չի հետևել», - ասել է զրուցակիցը։

Խոսելով Ալիևի վրա ճնշումների մասին՝ Շաքարյանցը նշել է, որ նրա վրա ճնշում են և թուրքերը (թե՝ շարունակիր նույն ոգով), և Եվրամիությունը, ճիշտ է, «գազային կողմնակալությամբ»։ «Խոսքով Եվրոպան աջակցում է Հայաստանին, իսկ գործնականում փող ու զգալի գումար է ներդնում Ադրբեջանի տնտեսության մեջ։ Բառերը հակասում են գործին, բայց կասրևոր են գործերը, ոչ թե դատարկ խոստումները: Ալիեւյան վարչակարգն անում է այն, ինչ ուզում է Արեւմուտքը, իսկ մեր իշխանությունները կոչված են չխանգարել արեւմտյան ծրագրերի իրականացմանը, ինչպես նաեւ չխանգարել թուրքերին ստեղծել պան-թյուրքական տարածքներ, ընդհուպ մինչեւ Չինաստանի սահմանները», - հայտարարել է փորձագետը։

Լանա Մշեցյան

Աղբյուր` Փաստինֆո