Փաստ ինֆո

Տարօրինակ է, բայց հայերիս մեջ ազատության ձգտողները շա՜տ քիչ են։ Իրական ազատները՝ է՛լ ավելի քիչ։ Այս մասին ֆեյսբուքյան իր էջում գրել է քաղաքագետ Արա Պողոսյանը:

«Մնացածնե՞րը․․․ ստրկական կապանքների մեջ երջանկություն փնտրողներ․․․ Ու ստրկությունը արտահայտվում է նրանց "տիրակալին" ստրկական հնազանդության մեջ։ Բայց այդ հնազանդությունն էլ իր մեջ ունի ստրուկին բնորոշ նողկանք՝ տիրակալի ընկնելուն պես առաջինը հենց սրանք են հարվածում։

Տեսե՞լ եք, թե իրենց "վոժդերին" պաշտպանելու համար ինչպես են սկսում ծվծվալ ամենուր, այդ թվում ֆեյսբուքյան հարթակում, ինչպես են ձու ածող հավի նման սկսում կչկչալ․․․

Սա մեր ստրկական շղթաների հաստության ցուցիչն է, ու բնավ կարևոր չէ, թե ո՛ր "վոժդի" համար են ծվծվում, կարևորը այս երևույթն է՝ մտավոր կապանքները, որոնք թույլ չեն տալիս ավելին տեսնել։

Հենց այս տեսակի մարդկանց պատճառով երբեք հնարավոր չի՛ բնական էվոլյուցիոն ճանապարհով զարգանալ, ու հասարակական "սթրեսների" հիմնական պատճառը մեր ստրկական շղթաների մեջ երջանկություն ձնտրող հայրենակիցներն են։

Ինչո՞ւ են մշտապես միջակները իշխում։

-Որովհետև ստրուկները երբեք չեն ցանկանա, որ իրենց իշխի իրենցից ավելի ազատը, ավելի բարձրը։ Որովհետև իշխող նվաստի մեջ նրանք իրենք իրենց են տեսնում, և զմայլվում, և հպարտանում, և հավատում, որ մի օր իրենք էլ կդառնան տեր իր նման՝ մնացած, ստրուկներին․․․ու վրեժ կլուծեն նրանցից, ովքեր ավելի բարձրում են, ովքեր իրենց մարդակային միջակությունից վեր են ու անհասանելի․․․

Ահա՛, թե ինչու Հայաստանը պետք է չունենար լավ իշխանավոր․․․»,- գրել է Արա Պոփղոսյանը:

Աղբյուր` Փաստինֆո