Փաստ ինֆո

ՀՀ անվտանգության խորհրդի քարտուղար Արմեն Գրիգորյանն այսօր ԱԺ ամբիոնից արձագանքել է Ադրբեջանի նախագահի խորհրդական Հիքմեթ Հաջիևի կեղծ հայտարարություններին:

Հիշեցնենք, որ երեկ ՀՀ ԱԽ քարտուղար Արմեն Գրիգորյանը հայտնել էր, թե վաշինգտոնյան հանդիպումից հետո իր և Ադրբեջանի նախագահի օգնականի միջև համաձայնություն կար ստեղծելու միջազգային մեխանիզմ, որպեսզի ԼՂ-ն և Ադրբեջանը քննարկեն ԼՂ հայերի անվտանգությունն ու իրավունքները։ Այսօր էլ Հաջիևը հայտարարել էր, թե նման բան չի եղել` բանակցություններում որևէ հարցի քննարկում չի նշանակում, որ այդ հարցի շուրջ համաձայնություն է ձեռք բերվել:

Արմեն Գրիգորյանը, արձագանքելով Հաջիևին, ասաց, որ Վաշինգտոնում ադրբեջանական կողմի հետ անցկացված բանակցությունների սենյակում միայն հայկական կողմը չի եղել` ամերիկյան կողմն էլ է ներկա եղել, ուստի ձեռք բերված պայմանավորվածությունները չեն կարող հերքվել.

«Ինձ թվում է՝ կան բաներ, որ հնարավոր չէ հերքել, որովհետև բազմաթիվ փաստական տվյալներ կան։Բանակցություններին, որ ընթացել են սենյակում, միայն հայկական կողմը չի եղել, ամերիկյան կողմն էլ է եղել: Կա արձանագրություն դրա մասին, որի մասին ադրբեջանական կողմը տեղյակ է:

Զարմանում եմ, որ հերքվում է փաստված բանը: Բնականաբար, մենք շարունակելու ենք աշխատել, որպեսզի հասկանանք, թե ո՛րն է այն մեխանիզմը, որի շրջանակներում պայմաններ ենք ստեղծելու, որպեսզի Լեռնային Ղարաբաղի և Ադրբեջանի միջև քննարկում տեղի ունենա ԼՂ-ում ապրող հայերի անվտանգության և իրավունքների վերաբերյալ»,-ասաց Գրիգորյանը՝ հավելելով, որ վերջին շրջանում միջազգային գործընկերների հետ բազմաթիվ աշխատանքներում հետաքրքրություն են տեսել այս ուղղությամբ շարունակելու աշխատանքները.

«Հույս ունենանք, որ կկարողանանք հասնել այս նպատակինարձանագրություն կա դրա մասին, որի վերաբերյալ ադրբեջանական կողմը տեղյակ է»,-հավելեց նա:
Արմեն Գրիգորյանը հայտարարեց նաև, որ ադրբեջանական կողմի այն հայտարարությունները, թե ԼՂ հարցը լուծված է, որևէ ձև չի նպաստում, որ այս հարցը առաջ ընթանա.

«Ղարաբաղի հարցը ադրբեջանական կողմի համար դարձել է «փիղը՝ սենյակում», այսիքն՝ խնդիրա կա, բայց փորձում են ձևացնել, թե այն չկա»,-ասաց Գրիգորյանը:

Աղբյուր` Փաստինֆո