Փաստ ինֆո

Պետական պահպանության ծառայությունը առանձնացնել ԱԱԾ-ից և կդառնա վարչապետին ենթակա մարմին: ՊՊԾ ղեկավարին կնշանակի վարչապետը, իսկ նրա տեղակալին՝ նախագահը:

Խորհրդարանում «Հատուկ պետական պաշտպանության ենթակա անձանց անվտանգության ապահովման մասին» օրենքում փոփոխություններ և լրացումներ կատարելու մասին օրենքի նախագիծը ներկայացնելիս նշեց ԱԽ քարտուղար Արմեն Գրիգորյանը:

ԱԽ քարտուղարը նշեց, որ սրա նպատակը անվտանգության մարմինների արդյունավետությունը բարձրացնելն է:

Նախատեսվում է նաև ատեստավորման միջոցով 100%-ով բարձրացնել ՊՊԾ աշխատակիցների աշխատավարձերը.
«Անվտանգության խորհրդի գրասենյակը կառույցների հետ քննարկում է ՊՊԾ բոլոր աշխատակիցների աշխատակիցների աշխատավարձերը շուրջ 100%-ով բարձրացնելու հարցը»,-ասաց Արմեն Գրիգորյանը:

Սահմանափակվում է նաև ՀՀ պաշտոնաթող նախագահներին և վարչապետերին տրամադրվող պետական պահպանության ժամկետը: Պաշտոնաթող նախագահի համար հանրապետության տարածքում սահմանվելու է 7 տարի ժամկետ , իսկ վարչապետի դեպքում՝ 10 տարի, որից հետո պետական պահպանություն տրամադրելու հնարավորությունը որոշելու է գործող վարչապետը: Պաշտոնաթող Հանրապետության նախագահների և վարչապետերի՝ օտարերկրյա պետություններում գտնվելու ժամանակ պետական պահպանություն կարող է տրամադրվել մեկ տարվա ընթացքում օտարեկրյա պետություններ կատարվող ոչ ավելի, քան 20 օր ընդհանուր տևողությամբ այցերի ընթացքում: Պաշտոնաթող նախագահները կամ վարչապետերը կարող են ժամանակավորապես կամ ընդմիշտ հրաժարվել պետական պահպանությունից` այդ մասին գրավոր իրազեկելով ծառայության պետին:
Ըստ առաջարկվող փոփոխությունների՝ իր պաշտոնավարման ընթացքում պետական պահպանություն կտրամադրվի նաև Ազգային ժողովի նախագահի ընտանիքի անդամներին:

Նախագծով ծառայության պետի և վերջինիս տեղակալի համար նախատեսվել են ոչ զինվորական, վարչական պաշտոններ: Ծառայությունում նախատեսվում են ծառայության պետի տեղակալի՝ ինչպես զինվորական ծառայության պաշտոններ, այնպես էլ ոչ զինվորական ծառայության պաշտոններ: Պարզեցվել են վերջիններիս պաշտոնի նշանակման ներկայացվող պահանջները, որի արդյունքում վերոնշյալ պաշտոնները կարող են համալրվել նաև քաղաքացիական անձանց կողմից:

Աղբյուր` Փաստինֆո