Փաստ ինֆո

Նիկոլ Փաշինյանը փորձում է իրեն տալ ավելի շատ լիազորություններ, ավելի խորացնել սուպերվարչապետական համակարգը, քանի որ գլոբալ առումով որևէ մեկին չի վստահում և փորձում է առավելագույնս ուղիղ լծակներ ունենալ իր ձեռքին և բոլոր հարցերում ինքը լինի որոշողը: «Փաստինֆո»-ի եթերում այս մասին ասել է վերլուծաբան Արգիշտի Կիվիրյանը։

«Անգամ այսքան լիազորություն ունենալու պարագայում է Նիկոլ Փաշինյանը վերածվել այս պետության համար չարիքի, պատկերացրեք, եթե նրա լիազորություններն ավելանան։ Ակնհայտորեն իրենց մոտ կա վախ, որ իրադարձությունները կարող են բուռն կերպով զարգանալ, դրա համար էլ լիազորություններն ընդլայնում են։ Մնում է նախատեսել, որ գերատեսչությունների պահակներն էլ են ուղիղ ենթարկվելու Նիկոլ Փաշինյանին։ Այս ամենը ցույց է տալիս, որ ցանկացած պարագայում նա իր թիմին չի վստահում և վախ ունի, որ թիմը կարող է «թռնել» իր վրայից, և դրա համար փորձում է անգամ ամենաչնչին օղակների և իր միջև ստեղծել օրենսդրորեն ուղիղ ենթակայություն»-,- նշել է Կիվիրյանը։

Վերլուծաբանը անդրադարձավ նաև Արցախի հիմնախնդրի շուրջ վերջին օրերին ծավալվող իրադարձություններին և իշխանության ներկայացուցիչների կողմից հնչող հայտարարություններին։ Այս առումով Կիվիրյանը նշում է՝ մինչ օրս բացի նոյեմբերի 9-ի համաձայնագրից,այլ լուրջ բան չի ստորագրվել։ Բայց վերջին երկու տարիներին եղել են դրսևորումներ, որոնք կարող էին լինել, օրինակ, գաղտնի ստորագրված փաստաթղթերով։ Այնուամենայնիվ, վերլուծաբանի դիտարկմամբ` Ադրբեջանին, խոշոր հաշվով, պայմանավորվածություն էլ պետք չէ, քանի որ նրանք հանդես են գալիս հաղթողի և ուժեղի դիրքերից։

Իսկ խաղաղության համաձայնագրի ստորագորւմն, ըստ Կիվիրյանի, կարող է ձգձգվել նաև այն պատճառով, որ Ադրբեջանին էլ այսօր ձեռնտու չէ ինչ-որ փաստաթուղթ ստորագրել ու դրանով ինքն իրեն սահմանափակել. Քանի որ այսպես կարչողանում է քայլ առ քայլ իրականացնել իր նվազագույն ծրագրերն ու ձգտել առավելագույնի՝ Հայաստանի նկատմամբ գերիշխանության։

Վերլուծաբանն անդրադարձել է նաև ներկա իշխանությունների ու ՀՀՇ-ի նմանություններին, մեթոդներին և անգամ՝ ձախողումների նմանություններին։

Մանրամասները` տեսանյութում:

Աղբյուր` Փաստինֆո