Փաստ ինֆո

Քենիայի Մաքուենի շրջանից չորս տարեկան մի տղա վեց օր անցկացրել է աֆրիկյան անբնակ վայրում՝ բորենիների և շնագայլերի միջավայրում և ողջ է մնացել: Այս մասին հայտնում է Kenyans.co.ke-ն։

Երեխան կորել էր նոյեմբերի 29-ին, երբ իր եղբայրների հետ անասուններ էր արածեցնում վայրի վայրում։ Նրան սկսել է փնտրել 70 հոգուց բաղկացած որոնողափրկարարական խումբը։ Փրկարարները փորձել են հետեւել տղայի տեղաշարժին, սակայն ապարդյուն։ Նրանց օգնել է David Sheldrick Trust ընկերությունը, որը օդից սկսել է կորած երեխայի որոնումները։

Սկսվել են հորդառատ անձրեւներ, եւ տղայի հետքերը հայտնաբերելը գրեթե անհնար է դարձել։ «Չորս ժամ որոնումներից հետո մենք ոչինչ չունեինք, բացի դատարկ վառելիքի բաքից և ոչինչ չգտանք, բացի բորենիներից և շնագայլերից։ Նման միջավայրը վտանգավոր է ցանկացած մարդու համար, ով կարող է միայնակ հայտնվել դրանում, էլ չեմ ասում այդպիսի փոքր երեխայի պարագայում: Սակայն հորդառատ անձրևների պատճառով մակերևութային ջրերի պակաս չի եղել։ Դա, համենայնդեպս, ինձ վստահություն էր տալիս, որ տղան ծարավից չի մահանա», — լրագրողներին ասել է David Sheldrick Trust-ի օդաչու Ռոան կար-Հարթլին։

Որոնումների 6-րդ օրը փրկարարները հայտնաբերել են կորած տղայի հետքերը։

Քար-Հարթլին արագ նստել է ինքնաթիռ և թռչել նշված կոորդինատներով։ Որոշ ժամանակ անց նա նկատել է մի երեխայի, որը թաքնվում էր թփերի մեջ։ «Ես չէի կարողանում հավատալ իմ աչքերին, բայց նա այնտեղ էր. մի փոքրիկ տղա, որը շրջապատված էր անսահման վայրի բնությամբ: Ես շոկի մեջ էի, որ նա դեռ ողջ է եւ քայլում է», - պատմում է օդաչուն։ Տղամարդը ստիպված է եղել շուրջ 30 րոպե պտտվել այն վայրի շուրջ, որտեղ հայտնաբերել է երեխային, որպեսզի չկորցնի նրան տեսադաշտից և օգնի որոնողական խմբին գտնել նրան: Վերջապես փրկարարները դուրս են եկել տղայի մոտ եւ նրան առաջին օգնություն ցուցաբերել։

Նշվում է, որ երեխայի ամբողջ մարմինը ծածկված է եղել փշոտ թփերից քերծվածքներով եւ մոծակների խայթոցների հետքերով։ Նրա ոտքերը ծածկված էին կոշտուկներով։ Տղան տեղափոխվել է հիվանդանոց, որտեղ գտնվում է մինչ օրս։ Նա լուրջ վնասվածքներ չի ստացել։

Աղբյուր` Փաստինֆո