Փաստ ինֆո

Հնդկաստանի բնակիչը սիրեցյալին օգնել է սպանել ամուսնուն եւ որոշել է սեփական առեւանգումը բեմադրել, որպեսզի շփոթեցնի հետաքննությունը։ Այս մասին հայտնում է Indian Express-ը։

Կամալկանտ անունով տղամարդը մահացել է սեպտեմբերի 19-ին՝ ներքին օրգանների աշխատանքի խափանումից։ Նա որոշ ժամանակ բողոքել է ստամոքսի ցավից։ Բուժման ընթացքում պարզվել է, որ նրա արյան մեջ մկնդեղի եւ թալիումի բարձր մակարդակ է եղել։ Տղամարդու մահը հատկապես կասկածելի էր թվում հնդիկի ընտանիքի համար, քանի որ նրա մայրը՝ Շարլադևին, մահացել էր օգոստոսի 13-ին՝ նմանատիպ ախտանիշներով: Հոկտեմբերին գործը փոխանցվել է ոստիկանության քրեական բաժին։ Քննիչները ենթադրում են, որ Կամալկանտի կինը՝ Կավիտա Շահը, եւ նրա սիրեկանը՝ Հիթեշ Ջաինը, թույն են խառնել նրա ուտելիքի մեջ։

Ավելի ուշ Ջաինը, որին ոստիկանություն են կանչել հարցաքննության, վախեցել է բացահայտումից եւ փորձել է քննիչներին սխալ ճանապարհով ուղղորդել՝ բեմադրելով իր առեւանգումը։ Նա անսպասելիորեն անհետացել է եւ ընկերոջը ձայնային հաղորդագրություն ուղարկել, որում հայտարարել է, որ անհայտ անձինք առեւանգել են իրեն, ծեծել եւ նետել Նասիկ մայրուղու վրա։

«Ձայնային հաղորդագրության մեջ Ջաինը հայտարարել է, որ իր մեքենան վնասված է», — նշել են ոստիկանությունում: Ջաինի ընկերը եւ նրա հարազատները կատարվածի մասին հայտնել են ոստիկանություն, որի աշխատակիցներին հաջողվել է պարզել, որ առեւանգվածը գտնվում է Շահապուր քաղաքի մերձակայքում:

Ջաինին հոսպիտալացրել են։ Նա վնասվածքներ է ունեցել ամբողջ մարմնի վրա։ Այն պահին, երբ Մումբայի ոստիկանությունը կարողացել է այնտեղ մասնագետների թիմ ուղարկել, Շահապուրի ոստիկանությունն արդեն հարցաքննել է նրան հիվանդանոցում։ Հոկտեմբերի 26-ի վաղ առավոտյան ճանապարհային ոստիկանությունը նրա մեքենան գլխիվայր գտել է Նասիկի մայրուղում։ Ջաինը ոստիկանությանը հայտնել է, որ պատրաստվում էր հանդիպել ինչ-որ մեկի հետ, եւ նրա վրա երկու մարդ է հարձակվել։

«Նրա հայտարարություններն անտրամաբանական էին հնչում, եւ մենք չենք սկսել հետաքննել դրանք։ Նա իրեն նյարդայնացած էր պահում։ Հարցաքննության ընթացքում նա մշտապես փոխել է ցուցմունքը։ Մենք պարզել ենք, որ վնասվածքներն ինքն է իրեն հասցրել», — հայտարարել է Մահարաշտրա նահանգի Շահապուր քաղաքի ոստիկանության ներկայացուցիչ Ռայքումար Ուփասը։

Իր առեւանգումը բեմադրելով՝ տղամարդը փորձել է ոստիկանությանը կեղծ հետքի վրա դնել եւ ուշադրությունը շեղել Կամալկանտի սպանության փաստով հետաքննությունից։ Ոստիկանությունը ձերբակալել է Ջայնին եւ նրա սիրեցյալին։ Իրավապահ մարմինների աշխատակիցները հետաքննում են Կավիտայի և Ջաինի դերը Կամալկանտի մոր մահվան մեջ։

Աղբյուր` Փաստինֆո