Փաստ ինֆո

Խորհրդարանում քննարկում է ԲԴԽ անդամի ընտրության հարցը:

ՔՊ խմբակցության պատգամավոր Արսեն Թորոսյանը ԲԴԽ անդամի թեկնածու Հայկ Գրիգորյանից հետաքրքրվեց՝ ընտրվելով ԲԴԽ անդամ ի՞նչ քայլեր է ձեռնարկելու, որպեսզի արգելվի դատական գործերին միջամտությունը և ապահովի անկախ դատական համակարգ, այդ թվում՝ գործող իշխանություններից:

Հայկ Գրիգորյանն էլ արձագանքեց.

«ԲԴԽ անդամն ունի մեկ եղանակ՝ ներազդելու դատաքննությունների ընթացքում տեղի ունեցող միջամտությունների վրա՝ դա արդար քվեարկությունն է: Այն բոլոր դեպքերում, երբ դատավորների ընդհանուր ժողովի էթիկայի կամ կարգապահական հարցերի հանձնաժողովի կամկոռուպցիայի հանձնաժողովի կողմից կհարուցվեն կարգապահական վարույթներ և կներկայացվեն ԲԴԽ՝ քննարկման, ես օրենքի գերակայության սկզբունքով՝օգտագործելու եմ իմ ձայնը և քվերակելու եմ անաչառ»,-ասաց Գրիգորյանը:

Արսեն Թորոսյանն էլ հավելեց, որ իրենց հանձնառությունն է ունենալ դատական անկախ համակարգ, որը չի կատարելու գործող կամ նախկին իշխանությունների քմահաճույքները:

«Մենք այլընտրանք չունենք, քան բոլոր իշխանություններից անկախ դատական համակարգ ունենալը»,-ասաց պատգամավորը:

Աղբյուր` Փաստինֆո