Փաստ ինֆո

«Երբ պատերազմը սկսելու մեղքը բարդում եք 30 տարի սխալ ձևակերպումներ օգտագործելու վրա, արդյոք 1995թ. Խորհրդարանում եղած իշխող խմբակցության պատգամավոր Քոչարյան Անդրանիկին հարցրե՞լ եք, թե սխալ տերմինաբանությամբ պատերա՞զմ է բերել։ Խաչատուր Սուքիասյանին, Հովիկ Աղազարյանին, ովքեր Ռուբեն Ռուբինյանի հոր հետ միասին այս Խորհրդարանում 1992-ին քվեարկել են այն որոշման օգտին, որով Հայաստանի որևէ պաշտոնա չի կարող բանաձև ընդունել, որտեղ Արցախը կճանաչվի Ադրբեջանի կազմում, մի հատ հարցրեք՝ 30 տարի սխա՞լ ենք ապրել, թե՞ 30 տարուց հետո ավեր են բերել մեր երկրի գլխին։ Արձագանքելով ԱԺ արտահերթ նիստին ՔՊ-ական պատգամավոր Էդուարդ Աղաջանյանի հնչեցրած մտքին, թե իշխող խմբակցությունը չի կարող միանալ ընդդիմության առաջարկած հայտարարությանը այն պատճառով, որ այնտեղ օգտագործված ձևակերպումները ռիսկեր են պարունակում խաղաղության հասնելու ճանապարհին՝ այդ մասին ասաց «Հայաստան» խմբակցության պատգամավոր Գեղամ Մանուկյանը։

Ստեղծված վիճակը նախորդած 30 տարիներին թույլ տրված սխալների հետևանք համարելու՝ իշխանական խմբակցության փորձերին ի պատասխան Մանուկյանն ասաց. «Էդ 30 տարին այնքան եք ասել, որ 22-23 տարեկան երեխաներին էլ են սկսում մեղադրել 30 տարի թալանելու մեջ»։

Ընդդիմադիր պատգամավորը փոխադարձ մեղադրանքների փոխարեն՝ առաջարկեց հայտարարության տեքստում օգտագործված կարևոր ձևակերպումներին դեմ արտահայտվելու ՔՊ-ի դիրքորոշմանն անդադառնալ ու մեջբերեց Կառավարության 2021-26 թթ. ծրագրի՝ Արցախին վերաբերող դրույթը.

«Ձեր խոսքի մեջ մի վտանգավոր բան ասացիք՝ այն, որ ռուս խաղաղապահ զորախումբն է Արցախի ժողովրդի անվտանգության երաշխավորը։ 21-26 թթ. Կառավարության ծրագրում գրված է. «ՀՀ-ն շարունակելու է լինել Արցախի ժողովրդի անվտանգության երաշխավորը»»։

Աղբյուր` Փաստինֆո