Փաստ ինֆո

Տեղական տուրքի դրույքաչափերը կբարձրացվեն 2-10 անգամ. տուրքի չափը կսահմանվի՝ ելնելով գոտիականությունից։ Համապատասխան որոշումն ընդունվեց Կառավարության այսօրվա նիստում։

«Երևանի 1-4-րդ գոտիներում շինթույլտվություն տալու համար, օրինակ, 5000 քառ. մետրանոց շինության համար տեղական տուրքի դրույքաչափը ներկայիս 500 000 հազար դրամի փոխարեն կկազմի 5 մլն դրամ։ Նախատեսվում է, որ սահմանված ժամկետում չավարտվի շինարարությունը, երկրորդ կամ երրորդ անգամ շինթույլտվության համար դիմելու դեպքում պետք է վճարվի ավելի բարձր դրույքաչափով տեղական տուրք, քան առաջին անգամ շինթույլտվություն ստանալուց»,-շեշտեց ֆինանսների նախարարը։

Երևանում այս փոփոխությունը վերաբերելու է բոլոր տիպի շինություններին՝ բնակելի հասարակական, արտադրական, Երևանից դուրս՝ բնակելի շենքերին, հասարակական ու արտադրական շինություններն։ Կարգավորումը չի վերաբերելու բնակելի տներին։ Օրենսդրական փոփոխությունը չի վերաբերելու սահմանամերձ բնակավայրերին։

Ֆինանսների նախարար Տիգրան Խաչատրյանը նշեց, որ եթե շինությունները գտնվում են պետական կամ համայնքային հողամասերի վրա ու ներկայում գույքահարկ չեն վճարում, ապա մասնավոր կողմից այդտեղ ինքնակամ շինություն կառուցելու դեպքում ևս նույն սկզբունքով հարկվելու են։

Աղբյուր` Փաստինֆո