Փաստ ինֆո

Ֆրանսիայի նախագահ Էմանուել Մակրոնը երեքշաբթի սկսում է այցը ԱՄՆ, որտեղ, ի թիվս այլ հարցերի, կքննարկի տնտեսական և էներգետիկ համագործակցության հարցերը նախագահ Ջո Բայդենի հետ:

Ինչպես երեքշաբթի հայտնել է Ֆրանսիայի կառավարության պաշտոնական խոսնակ Օլիվիե Վերանը, այցի ընթացքում պետության ղեկավարը կփորձի «սինխրոնիզացնել» ԱՄՆ-ի եւ ԵՄ-ի մոտեցումները էներգետիկ ոլորտում ճգնաժամի եւ գնաճի հարցերի դեմ պայքարում:

Մակրոնի Վաշինգտոն այցի հիմնական թեմաներից մեկը կդառնա ԱՄՆ-ի ինֆլյացիայի նվազեցման ակտը (IRA): Մակրոնը, ինչպես սպասվում է, կփորձի համոզել ամերիկյան առաջնորդին մեղմել օրենքը, որը, նրա խոսքով, հակասում Է ԱՀԿ նորմերին եւ «ոչ բարեկամական» է: Ինչպես նշել են ԶԼՄ-ները, Մակրոնը ԱՄՆ նախագահի հետ բանակցությունների ընթացքում կբարձրացնի ԵՄ արդյունաբերության վրա ամերիկյան արդյունաբերական սուբսիդիաների եւ հարկային արտոնությունների ազդեցության հարցը եւ կփորձի բացառությունների հասնել եվրոպական արդյունաբերության մի շարք հատվածների համար՝ առեւտրային պատերազմներից խուսափելու համար:

Երկու առաջնորդների բանակցությունները կանդրադառնան նաև գազի գնին, որը ԱՄՆ-ն վաճառում է Եվրոպային։ Ավելի վաղ Մակրոնը քննադատության էր ենթարկել ԱՄՆ-ին գազի գնի սահմանման հարցում երկակի ստանդարտների համար, որը, ինչպես նշել է Ֆրանսիայի նախագահը, ամերիկյան ներքին շուկայում մի քանի անգամ ավելի էժան է, քան եվրոպական շուկայում: Ինչպես հաղորդել Է Politico թերթը, Մակրոնը կփորձի պարզել՝ կկարողանա արդյոք ԱՄՆ նախագահը Եվրոպային գազ առաջարկել ավելի ցածր գնով:

Նախագահները կանդրադառնան նաև Չինաստանի հետ մրցակցության խնդրին։ Նախօրեին Սպիտակ տունը հայտարարել էր, որ Չինաստանի նկատմամբ ԱՄՆ-ի եւ Եվրոպայի հայացքներն ու շահերը «չեն համընկնում»: Միևնույն ժամանակ, Սպիտակ տանը նշել են, որ անհրաժեշտ են համարում ելնել Պեկինի կողմից մարտահրավերների վերաբերյալ միասնական մոտեցումից:

Ֆրանսիայի նախագահի այցը ԱՄՆ կտևի մինչև դեկտեմբերի 2-ը։

Աղբյուր` Փաստինֆո