Փաստ ինֆո

«Կշեռքի նժարի վրա ՀԱՊԿ-ի քաղաքական, դիվանագիտական կեցվածքն էր, որտեղ Փաշինյան Նիկոլն ուզում էր, որ նշվի Ադրբեջանի զինուժի կողմից Հայաստանի նկատմամբ ագրեսիան եւ ՀՀ տարածքների օկուպացումը։ Սա նրա պահանջն էր, բայց եթե դա նրա համար շատ կարեւոր էր, ապա ինչո՞ւ նույն կեցվածքը Փաշինյան Նիկոլը չուներ 2021 թ մայիսի 12-ին Սեւ լճի հետ կապված, երբ ադրբեջանցիները այն վերցրեցին, նոյեմբերին՝ Սոտքի, Վարդենիսի հետ կապված եւ 2022թ սեպտեմբերի 13-14ին, ինչու՞ ԱԺ-ն որեւէ իրավական ակտ չընդունեց, չդիմեց միջազգային կառույցներին՝ ՄԱԿ-ի ԱԽ-ին, ինչու՞, եթե այդ ձեւակերպումը խսիտ կարեւոր է, ապա առաջինը մեր օրենսդիր մարմինը պետք է կեցվածք դրսեւորի»,- «Փաստինֆո»-ի հետ զրույցում ասաց պահեստազորի գնդապետ, ռազմական փորձագետ Հայկ Նահապետյանը՝ անդրադառնալով ՀԱՊԿ-ից Հայաստանին տրամադրվելիք օժանդակության հարցին եւ այն փաստին, որ ՀԱՊԿ երեւանյան գագաթնաժողովին, քաղաքական գնահատականի բացակայության պատճառով, ՀՀ վարչապետը չստորագրեց համապատասխան փաստաթղթերը։

Նահապետյանի խոսքով, Փաշինյանն ամենայն հավանականությամբ, լավ գիտեր, որ դրա շուրջ կոնսենսուս չկա, որովհետեւ բոլոր փաստաթղթերը նախապես նախագծերի տեսքով դրված են եղել անդամ երկրների ԱԳ նախարարների, պաշտպանության նախարարաների եւ ԱԽՔ-երի սեղանին։

«Նա հրաշալի գիտեր, որ կոնսեսնսուս չկա, բայց պնդեց։ Կշեռքի մի նժարին դա էր դրված, իսկ մյուս նժարին՝ ռազմական օգնություն, դիտորդներ, խաղաղապահներ, ինչը Փաշինյան Նիկոլը , փաստացի, մերժեց, որի մասին, ի դեպ, ասել է Ստանիսլավ Զասը»,-ընդգծում է նա։

Նշենք, որ ՀԱՊԿ գլխավոր քարտուղար Զասը բացահայտել է գագաթնաժողովի ընթացքում քննարկավծ հարցի մանրամասները եւ հայտարարել է, որ ՀԱՊԿ-ն առաջարկել է Հայաստանին օգնության միջոցառումների մի ամբողջ համալիր՝ և՛ քաղաքական, և՛ դիվանագիտական, և՛ ռազմական, այդ թվում՝ առաքելության ուղարկում սահման, որտեղ այն իրատեսորեն կգնահատի իրավիճակը։ Ըստ Զասի, սա, ընդհանուր առմամբ, աջակցություն է ստացել բոլոր պետություններից, «միակ բանը, որին չի հաջողվել հասնել՝ ստեղծված իրավիճակի համախմբված գնահատումն է եղել։

Հայկ Նահապետյանի խոսքով, եթե տեսականորեն Փաշինյանի առաջարկությունն ընդունվեր, ՀԱՊԿ-ը պետք է Ադրբեջանին ստիպեր զորքերը հետ քաշել, մինչդեռ Ադրբեջանը դա կարող էր չանել՝ հաշվի առնելով աշխարհաքաղաքական, ռազմական մի շարք իրողություններ։ Ըստ Նահապետյանի, ՀԱՊԿ-ը, եւ հատկապես Ռուսաստանը, ուղղակի վարկաբեկվելու էր, հակառակ պարագայում պետք է ռազմական գործողություններ սկսեր։

«Հետեւաբար, այդ բանաձեւի ընդունումով Փաշինյան Նիկոլի ուզածն ի՞նչ էր՝ Ադրբեջանի հետ պատերա՞զմ, իսկ ու՞մ է պետք այս տարածաշրջանում պատերազմը՝ երկրորդ ճակատի տեսաքով։ Դա պետք է ԱՄՆ-ին եւ ՆԱՏՕ-ին»-ասում է Նահապետյանը։

Ի պաըտըասխան հարցի, թե գագաթնաժողովի օրը ԱԳ նախարար Միրզոյանը հայտարարել էր, որ ընդհանուր առմամաբ, փաստաթղթերը համաձայնեցված են, Նահապետյանն ասաց, որ փաստաթղթի նախագիծը երկրների ղեկավարների սեղանին դրվելու էր ԱԳ նախարարների հանդիպման կոնսենսուսի արդյունքում, հետեւաբար, եթե Արարատ Միրզոյանը անգամ կարողանար համոզել, որ այդ ձեւակերպումն ընդունվեր, երկրների ղեկավարները դա պետք է ուղղակի հաստատեին։

«Արարատ Միրզոյանը կամ չի կարողացել կամ չի ցանկացել։ Ձեւակերպումը ԱԳ նախարարների հանդիպումից էր գալիս, դա քաղաքական, դիվանագիտական գնահատական է։ Եթե Փաշինյան Նիկոլն անկեղծ է, առնվազն, Արարատ Միրզոյանին պետք է ասեր՝ վատ ես աշխատում, հենց այս պահին դիմում գրիր եւ դուրս արի։ Նման բան չի եղել»,-նկատեց փորձագետը՝ հավելելով, որ որակումները, որոնք Փաշինյանն է պահանջում, ժամանակին հենց իր իշխանությունը պետք է ընդուներ՝ նույն ԱԺ-ի միջոցով, մինչդեռ այդ ուղղությամբ ոչինչ չեն արել։

Աղբյուր` Փաստինֆո