Փաստ ինֆո

Հաշվի առնելով նախկին «թալանչի ռեժիմների» ժամանակ տեղի ունեցած աղաղակող չարաշահումները, ազգային անվտանգության ապահովման ռազմավարական շահերից ելնելով` ՀՀ ԱԺ «ՔՊ» շարասյունը, ամենայն հավանականությամբ, հանդես կգա նոր օրենսդրական նախաձեռնությամբ: Այդ մասին Ֆեյսբուքի իր էջում գրել է ՀՀ պատշպանության նախկին փոխնախարար Արտակ Զաքարյանը։

«Հաշվի առնելով նախկին «թալանչի ռեժիմների» ժամանակ տեղի ունեցած աղաղակող չարաշահումները, ազգային անվտանգության ապահովման ռազմավարական շահերից ելնելով` ՀՀ ԱԺ «ՔՊ» շարասյունը, ամենայն հավանականությամբ, հանդես կգա նոր օրենսդրական նախաձեռնությամբ:

Մասնավորապես` «Քաղաքացիական կացության ակտերի գրանցման մասին» ՀՀ օրենքի 28-րդ հոդվածի 2-րդ կետը կվերաշարադրվի հետևյալ կերպ. «Երեխայի ծննդյան ժամանակը գրառվում է այդ նպատակով կազմակերպված և ծնողներից մեկի մասնակցությամբ անցկացված վիճակահանության արդյունքների հիման վրա»:

Նախագծի հիմնավորում.

օրենսդրական նախաձեռնությունը կվերականգնի պատմական արդարությունը, կբացառի որևէ նշանավոր օր` որպես երեխայի ծննդյան օր գրանցելու անթույլատրելի և ապօրինի պրակտիկան: Սա աննախադեպ ձեռքբերում է:

Հայաստանը կլինի աշխարհում առաջին երկիրը, որտեղ երեխաների ծննդյան օրը, հետագա կյանքի ընթացքում չի դառնա հպարտության, ինչպես նաև այլ քաղաքացիների նկատմամբ բարոյա-հոգեբանական առավելության դրսևորման միջոց: Այս նախառեձնությամբ «Քաղաքացիական պայմանագիր» խմբակցությունը կվերականգնի նաև «Տոների և հիշատակի օրերի մասին» ՀՀ օրենքի առջև բոլոր քաղաքացիների հավասարությունը:

Հ.Գ.
Սա հումոր չէ, ոչ էլ սարկազմ: Ցնդելու բան է՝ պատերազմում պարտված, մի ամբողջ հայրենիք թշնամուն հանձնած, հազարավոր զոհեր տված, մի ողջ սերունդ կործանած, Եռաբլուրը մի քանի անգամ ընդարձակած կապիտուլյանտների բանուգործը ընդդիմադիրների ծննդյան օրերն ուսումնասիրելն է»,- գրել է Զաքարյանը:

Աղբյուր` Փաստինֆո