Փաստ ինֆո

Մեծ Բրիտանիայում դատի են տվել հանցագործին, որը 1993 թվականին կողոպուտի ժամանակ սպանել է տարեց եղբորը եւ քրոջը։ Այս մասին հայտնում է Metro-ն։

71-ամյա Ուիլյամ Բրայանը և նրա 74-ամյա քույրը՝ Էնն Քասլը, մահացել են 1993 թվականին Լոնդոնում։ Տղամարդը խեղդամահ է եղել, իսկ կինը մահացել է սրտի կաթվածից իրենց տան կողոպուտի ժամանակ, որը ոստիկանությանը հաջողվել է բացահայտել միայն 29 տարի անց։

Քննիչները վստահ են, որ կրկնակի սպանություն կատարած չարագործը կողոպտիչ Դենվիլ Նիլն է, որը հանցավոր կարիերան սկսել է 1973 թվականին: Մեղադրող կողմի վարկածով՝ նա ներխուժել է տուն, որտեղ գտնվել են Բրայանը եւ Քասլը, կապել նրանց, իսկ ավելի ուշ սկսել է խեղդել տղամարդուն հեռադիտակի կաշվե ժապավենով։ Նիլի որսը զոհերի նշանադրության մատանիներն էին և մեկ ադամանդե մատանի։

Հարեւանները բղավոցներ են լսել եւ ոստիկանություն կանչել, սակայն մարդասպանին թարմ հետքերով ձերբակալել չի հաջողվել։ Հետաքննության առաջընթացը տեղի է ունեցել միայն 2022 թվականին, երբ Նիլի ԴՆԹ-ի հետքերը հայտնաբերվել են Բրայանի սպանության գործիք դարձած ժապավենի վրա։

65-ամյա հանցագործը հերքում է իր մեղքը և պնդում, որ իր ԴՆԹ-ն հայտնվել է հեռադիտակի ժապավենի վրա, քանի որ նա այն վաճառել է Բրայանին հանցագործությունից ոչ շատ առաջ: Այնուամենայնիվ, մեղադրող կողմը մատնանշում է, որ Նիլը նախկինում դաժան կողոպուտներ է կատարել, կապել է իր զոհերին և վնասվածքներ պատճառել նրանց:

Դատարանը դեռ վերջնական որոշում չի կայացրել։

Աղբյուր` Փաստինֆո