Փաստ ինֆո

Կառավարությունը համաձայնություն տվեց ՀՀ կառավարության և Զարգացման ֆրանսիական գործակալության միջև ստորագրված 2022թ. նոյեմբերի 17-ին ստորգարված վարկային համաձայնագիրը վավարեցնելու մասին որոշման նախագծին։

Ֆինանսերի նախարար Տիգրան Խաչատրյանը նշեց, որ այդ համաձայնագրի շրջանակում ՀՀ կառավարությանը կտրամադրվի 100 մլն եվրո գումարով վարկ, որը կծառայի պետական բոյւջեի դեֆիցիտի ֆինասնավորման համար։

Վարկը կտրամադրվի 20 տարի ժամկետով։

Նախարարը նաև մանրամասնեց, որ վարկային գումարը կարող է մի քանի մասնաբաժնի բաժանվել, որի մի մասը ստանալու համար Կառավարությունը գործակալությանը կդիմի տարեվերջին։

Զարգացման ֆրանսիական գործակալությունը առաջիկա ամիսներինԵրևանում նաև մշտական ներկայացուցչություն կբացի։

«Օրակարգի 32-րդ հարցով հավանություն ենք տվել Ասիական զարգացման բանկի կողմից հատկացվող ևս 100 մլն ընդհանուր արժողությամբ բյուջետային աջակցության միջոցների հատկացման համաձայնագիրը հաստատելու նախագծին»,-նշեց ֆինանսերի նախարարը։

Տիգրան Խաչատրյանի զեկուցումից հետո վարչապետը նշեց, թե պետական պարտի ծավալը էական չի, էականը ՀՆԱ-ի նկատմամբ դրա հարաբերակցությունն է։

Պետական պարտքի ծավալը, ըստ էության, Փաշինյանը չէր հիշում։ «7 մլրդ պետական պարտքն առանձնապես մեծ թիվ չէ»,-ասաց Փաշինյանը, ինչին Տիգրան Խաչատրյանն արձագանքեց՝ տեղեկացնելով, որ տարեվերջին պետական պարտքի ծավալը կանցնի 10 մլրդը։

«Ենթադրենք մարդն ունի 50 հազար դոլար պարտք։ Ասում են՝ վա՜յ, բա էդ ոնց է փակելու։ Դա ի՞նչ է որ, եթե 45 հազար դոլար աշխատավարձ է ստանում»,-հավելեց Փաշինյանը։

Աղբյուր` Փաստինֆո