Փաստ ինֆո

Սիրիայում իրավիճակը գնալով լարվում է։ Թուրքիան ցամաքային ճանապարհով մի քանի շարասյուներով զորք և զրահատեխնիկա է մտցնում Սիրիա, այնտեղ սպասվում է ցամաքային օպերացիա։ Սա առաջին հերթին ծանր վիճակի և ընտրության առջև է դնելու Ռուսաստանին և Իրանին։ «Փաստինֆո»-ի եթերում նման համոզմունք հայտնեց միջազգայնագետ Գրիգոր Բալասանյանը։

Ինչպես գիտենք, այս երկու երկրները Սիրիայի հյուսիսում ստեղծել են համատեղ շտաբ՝ կազմված Սիրիայի բանակից, քրդերից, ռուսական և իրանական զորամիավորումներից։ Ինչպես նշեց միջազգայնագետը, այս ուժերը պետք է դիմագրավեն թուրքական հնարավոր հարձակմանը։ Բնականաբար այս կենտրոնի վրա ավելի մեծ պատասխանատվություն է դրվում՝ կախված, թե ինչպիսի արձագանք կտան Ռուսաստանը և Իրանը։

«Թուրքիան այսօր երկակի խաղ է խաղում։ Մի կողմից հարվածներ է հասցնում ամերիյան ռազմաբազային, հայտարարում է, որ Ստամբուլի ահաբեկչության թիկունքում կանգնած է ԱՄՆ-ը, մյուս կողմից՝ Սիրիայում ցամաքային օպերացիա է սկսում՝ դրանով, ըստ էության, փաստի առաջ է կանգնեցնում դաշնակից Ռուսաստանին և Իրանին, որոնք կամ պետք է կռվի մեջ մտնեն՝ իրենց դեմքը փրկելու համար Սիրիայում, կամ պետք է հետ քաշվեն, իսկ այս պարագայում սա կլինի լուրջ իմիջային կորուստ և՛ Ռուսաստանի, և՛ Իրանի համար, ինչը Սիրիայում նրանց գործունեության համար բավականին լուրջ պրոբլեմներ է ստեղծելու»,- կարծում է միջազգայնագետը։

Այս և այլ տարածաշրջանային իրադարձությունների մասին մանրամասները՝ տեսանյութում։

Աղբյուր` Փաստինֆո