Փաստ ինֆո

Միջազգային գործընկերները, որոնք փութաջանությամբ ցանկանում են օր առաջ հասնել Խաղաղության պայմանագրի ստորագրմանը՝ պետք է նույն փութաջանությամբ հասնեն Հայաստանի սուվերեն տարածքից ադրբեջանական զորամիավորումների դուրս բերմանը։ «Փաստինֆո»-ի եթերում հայտարարել է միջազգայնագետ Գրիգոր Բալասանյանը՝ վերլուծելով պայմանագրի շուրջ տարբեր կենտրոններից եկող մեսիջները։

Նրա արձանագրմամբ՝ նախ ադրբեջանական զորքերը պետք է դուրս գան Հայաստանի սուվերեն տարածքից, որից հետո պետք է հստակ քայլեր ձեռնարկվեն դեմարկացիայի ու դելիմիտացիայի հանձնաժողովի ստեղծման համար Ադրբեջանին բանակցությունների սեղանի մոտ բերելու ու Ադրբեջանին շտապեցնելու ուղղությամբ, որովհետեւ Ադրբեջանը ժամանակ է ձգում։ Սիջազգայնագետի դիտարկմամբ՝ Ադրբեջանը ժամանակ շահելով, փորձում է օգտագործել իր էներգետիկ ռեսուրսները՝ միջազգայի հանրության վրա ճնշումներ գործադրելու համար, որպեսզի Խաղաղության պայմանագիրը ստորագրվի հօգուտ Ադրբեջանի ու ի վնաս Հայաստանի։

«Հայաստանը շտապելու տեղ չունի։ Մենք քայլ պետք է այնենք միայն այն ժամաակ, երբ Հայաստանից դուրս կբերվեն Ադրբեջանի զորամիավորումները, կվերականգնվի Հայաստանի տարածքային ամբողջականությունը, դելիմիտացիայի ու դեմարկացիայի հանձնաժողովի աշխատանքների արդյունքում վերջնական կհաստատվի պետական սահմանը»,- հայտարարել է փորձագետը՝ նշելով, որ միայն դրանից հետո պետք է կստորագրվի խաղաղության պայմանագիրը։

Նա նկատել է, որ վերջերս շրջանառության մեջ է դրվել միջանկյալ փասաթղթի ստորագրման հավանականությունը՝ նախքան դելիմիտացիայի ու դեմարկացիայի աշխատանքների ավարտը, ինչը բացարձակ չի բխում Հայաստանի շահերից։

«Նման պայմանագրի դեպքում ադբրեջնական զորքերը մնում են Հայաստանի տարածքում։ Հեռու եմ այն մտքից, որ Ադրբեջանը ողջամտություն կցուցաբերի ու ինքնակամ զորքերը հետ կքաշի մեր տարածքից»,- ընդգծել է Գրիգոր Բալասանյանը։ Ավելին, նա փաստել է, որ Ադրբեջանը ամրաշինական աշխատանքներ է իրականում՝ օկուպացրած տարածքներում, ինչից հետեւում է, որ մտադիր են երկար մնալ ու իր զորքի համար պայմաններ է ստեղծում՝ ձմեռելու համար։

«Սա նշանակում է, որ Ադրբեջանը առաջին քայլը չի անելու ու զորքը չի հանելու՝ ՀՀ սուվերեն տարածքից, իսկ մինչ այդ միջանկյալ պայմանագիր ստորագրելը, անգամ բանակցությունները չեն կարող ընդունելի լինել Հայաստանի համար»,- ասել է Գրիգոր Բալասանյանը

Մանրամասները՝ տեսանյութում։

Աղբյուր` Փաստինֆո