Փաստ ինֆո

ԱՄՆ - ում ձերբակալել են մի տղամարդու եւ երկու կնոջ, որոնք մեկ տարով ննջասենյակում փակել են դեռահաս աղջկան։ Այս մասին հայտնում է KVVUTV-ն։

Նևադա նահանգի Լաս Վեգաս քաղաքի ոստիկանությունը նոյեմբերի 4-ի կեսօրին զանգով ժամանել է քաղաքի հյուսիսային հատված: Զանգահարողը հայտնել է՝ տներից մեկի մոտ ինչ-որ կասկածելի ակտիվության մասին։ Դեպքի վայրում իրավապահները հայտնաբերել են մի աղջկա, որը փորձել է բարձրանալ մասնավոր տան երկրորդ հարկ տանող սանդուղքով։

Ականատեսները պատմել են, որ մինչ այդ նա մտել է հարեւան տան բակ եւ խնդրել է իրեն ինչ-որ ուտելիք եւ ջուր տալ։ Պարզվել է, որ մինչ դեռահաս աղջկան ոստիկանների կողմից պատահաբար փրկելը, նա երկրորդ հարկից դուրս է եկել կապկպված հագուստի պարագաների օգնությամբ: «Աղջիկը հայտնել է, որ ծնողները նրան փակել են սենյակում, հազվադեպ են կերակրել եւ թույլ չեն տվել օգտվել լոգարանից», — ասվում է պաշտոնական զեկույցում:

Ոստիկանները կապ են հաստատել տուժածի մոր հետ եւ հետաքրքրվել, թե ինչու է նրա երեխան փակվել։ Կինը խուսափել է պատասխանելուց և հայտարարել, որ չի ցանկանում, որ ոստիկանությունը տուն մտնի մինչև իր վերադարձը։

Այն սենյակում, որտեղ ապրում էր աղջիկը, իրավապահները հայտնաբերել են սավանով ծածկված տուփ՝ մահճակալի զսպանակներով, որը փոխարինում էր բանտարկված երեխային քնելու տեղը, և մի դույլ՝ որտեղ աղջիկը զուգարան էր գնում։ Բացի այդ, պարզվել է, որ նույն սենյակում բնակվել է 13-ամյա մի տղա։ Ոստիկաններին հաջողվել է պարզել, որ դեռահաս աղջիկը նման պայմաններում է եղել առնվազն մեկ տարի։

Արդյունքում ձերբակալվել են աղջկա մայրը՝ Էդդի Գոնսալեսը, Մարիա Պասարանը, որը պարզվել է, որ տուժածի տատիկն է, եւ Դանիել Օմեսկուա անունով մի տղամարդ: Նրանց մեղադրել են ազատությունից ապօրինի զրկելու եւ երեխաների նկատմամբ դաժան վերաբերմունքի մեջ։ Այս գործով առաջին դատական նիստը պետք է կայանա նոյեմբերի 21-ին։

Աղբյուր` Փաստինֆո