Փաստ ինֆո

Սթրեսը օրգանիզմի պատասխանն է ցանկացած փոփոխության` պահպանելու համար օրգանիզմի նորմալ կենսագործունությունը, որը կարող է դրսևորվել  հոգեբանական, ֆիզիկական, էմոցիոնալ տարբեր փոփոխություններով։ Այս մասին «Փաստինֆո»-ի եթերում խոսել է բժիշկ-սեքսոլոգ Լուսինե Ստեփանյանը:

Նրա փոխանցմամբ` կարճաժամկետ սթրեսային իրավիճակները շատ դեպքերում դրական են անդրադառնում օրգանիզմի վրա` թույլ տալով կենտրոնանալ և հաղթահարել։

Նույնը չի կարելի ասել մշտակական սթրեսի մասին։

Մշտական սթրեսը կարող է հանգեցնել նյարդային համակարգի հիպերակտիվության, որը խաթարում է օրգանիզմի բնական պրոցեսները և կարող է մարդուն ավելի խոցելի դարձնել հոգեկան և ֆիզիկական առողջության խնդիրների նկատմամբ։

«Սեռական ֆունկցիայի նորմալ գործունեության համար կարևոր է՝ նյարդային համակարգի և անոթների վիճակը,
հորմոնալ ստատուսը, մկանային զարգացվածությունը, մասնավորապես կոնքի հատակի և իհարկե հոգեհուզական վիճակը։

Սթրեսի հետևանքով առաջին հերթին տուժում է ամենագլխավոր սեռական օրգանը՝ գլխուղեղը։ Հետևաբար, երբ ուղեղը ծանրաբեռնված է լինում տարբեր սթրեսային գործոններով, դժվար է լինում կենտրոնանալ սեռական հետաքրքրությունների,հաճույքի և օրգազմի վրա, որի հետևանքով տուժում է զույգերի սեռական կյանքը, միջանձնային հարաբերությունները», - նշել է մասնագետը։

Ըստ նրա`սթրեսի հետևանքով օրգանիզմում բարձրանում է սթրես հորմոնների ՝ կորտիզոլի և ադրենալի մակակրդակը, որի հետևանքով ունենում ենք սեռական գլխավոր հորմոնի ՝ տեստոստերոնի մակարդակի նվազում, որը կարող է բերել սեռական ֆունկցիայի խանգարման։

Իհարկե, հանդիպում է նաև հակառակը, երբ  սթրեսի հետևանքով բարձրանում է սեռական ցանկությունը։

Միաժամանակ բժշկուհին նշել է, որ սթրեսը հաղթահարելու ամենաարդյունավետ միջոցը սեքսն է։

«Ինտիմ մտերմությունը, նույնիսկ միայն հպումները , գրկախառնությունները սիրելիի հետ նպաստում են  երջանկության հորմոնների արտադրությանը, բարձրացնում է տրամադրությունը, նվազեցնում սթրեսի մակարդակը։
Ֆիզիկական շփումը դրական է անդրադառնում ոչ միայն ֆիզիկական, այն նաև հոգեկան առողջության վրա»։

Ինչպես կառավարել սթրեսը․

Նախ և առաջ պետք է պարզել սթրեսի առաջացման պատճառը և գիտակցել այն։

Որպեսզի զուգընկերոջ հետ հարաբերությունների վրա չանդրադառնա, ապա պետք է զրուցել, բացատրել որ սեռական կյանքում նկատում է որոշակի խնդիրներ և միասին մտածել խնդրի լուծումը։ Շատ դեպքերում հենց սեռական կյանքում առկա խնդիրներն են դառնում սթրեսային ֆակտոր։

Սթրեսը հաղթահարելու մեթոդներից են․
արոմաթերապիան, շնչական վարժությունները, մարզվելը, մեդիտացիան, մտապատկերումը, մարմնի խնմաքը և այլն։
Եթե տևական ժամանակ գտնվում եք սթրեսային վիճակում, և ինքնուրույն չեք կարողնում հաղթահարել, ապա պետք է դիմեք մասնագետներին, քանի որ հակառակ դեպքում դա կարող է վերածվել ավելի լուրջ խնդրի և անդրադառնալ Ձեր կյանքի որակի վրա։

Աղբյուր` Փաստինֆո