Փաստ ինֆո

 ՀՀ նախկին ՄԻՊ Արման Թաթոյանը իր ասուլիսի ժամանակ ներկայացրեց լուսանկարներ, թե ինչպես են ադրբեջանցիները Ջերմուկ քաղաքի անմիջական հարևանությամբ 10-12 մ լայնությամբ ճանապարհ է կառուցում.

«Մենք մանրամասն ուսումնասիրել ենք՝ թե ինչպես են այս ճանապարհը կառուցում: Նրանք հանքերից կամ այլ տեղերից բերում են քարեր, մանրացնում են, լցնում են այդ քարերը ճանապարհին, հետո ցեմենտով միախառնում են, որպեսզի նաև ձմռան համար պատրաստ լինի նաև այս ճանապարհը: Այսինքն, ադրբեջանցիներն ակնհայտորեն պատրաստվում են ձմռան»,-ասաց Թաթոյանը:

Նա նշեց, որ սեպտեմբերի 13-ի ագրեսիայի հետևանքով ադրբեջանցիների տեսադաշտում է նաև Սյունիքի մարզի Ներքին Հանդ գյուղը, ինչի հետևանքով գյուղում ընտանիքներ չկան, քաղաքացիական կյանքը ևս, որպես այդպիսին, չկա:

Թաթոյանի խոսքով՝ Ներքին Հանդում մարդիկ չեն կարողանում զբաղվել գյուղատնտեսությամբ:

Ուսումնասիրությունները ցույց են տվել, որ ադրբեջանական տեղակայումներ կան նաև Ներքին Հանդի դպրոցի վերևում, որտեղից անգամ լսելի են ադրբեջանցի զինվորականների ձայները.

«Ադրբեջանցիների վերահսկում են նաև Ներքին Հանդի գերեզմանոցը: Մեր քաղաքացիները զրկված են իրենց հարազատների շիրիմներին մոտենալու հնարավորությունից, քանի որ դրանք գտնվում են ադրբեջանցիների ուղիղ թիրախի ներքո այդ հատվածները»,-ասաց Թաթոյանը:

Նա հայտարարեց, որ Ներքին Հանդում ջուրը ևս կտրվել է հենց ադրբեջանական ԶՈՒ ներկայության պատճառով.

«Մենք այդ հատվածում ունենք աղբյուրի ակունքներ, որտեղից խմելու ջուր է գալիս, հիմա որոշ միոցներ ձեռնարկվել են, որ ջուր լինի, բայց այն որակը չէ այլևս»,-հավելեց Արման Թաթոյանը:

Աղբյուր` Փաստինֆո