Փաստ ինֆո

Սեռական ցանկության բացակայությունը հանգեցնում է նրան, որ լարվում են զուգընկերոջ հետ միջանձնային հարաբերությունները,  առաջանում է տագնապային հեգեվիճակ: Որոնք են պատճառները եւ ինչպես պայքարել այդ երեւույթի դեմ:

«Փաստինֆո»- եթերում սեռական ցանկության բացակայության խնդիրների մասին է խոսել բժիշկ-սեքսոլոգ Լուսինե Ստեփանյանը:

Ինչ է լիբիդոն

Լիբիդոն կամ սեռական ցանկությունը չունի նորմա։ Այն խիստ անհատական է՝ պայմանավորված ինչպես սեռական խառնվածքով, այնպես էլ հոգեբանական գործոններով։

Լիբիդոն ենթարկվում է տատանումների․ տարիքը, հոգեբանական և սոցիալական գործոնները անդրադառնում են սեռական ցանկության վրա։

Լիբիդոյի իջեցումը կամ բացակայությունը սեքսուալ խանգարում է, որը դրսևորվում է սեռական ցանկության, հետաքրքրության, սեքսուալ ֆանտազիաների և մտքերի նվազմամբ կամ բացակայությամբ։

Պատճառները

հոգեբանական գործոններ (դեպրեսիա, սթրես, անհանգստություն, հարաբերություններում խնդիրներ, հատկապես կենցաղային խնդիրները, կուտակված դժգոհություններ),

բացասական սեռական փորձ (սեռական փորձի բացակայություն, սեռական բռնություն, ցավոտ սեքս),

անտիսեքսուալ դաստիարակություն, սեռակրթության բացակայություն;

հորմոնալ տատանումներ (դաշտանակին ցիկլ, հղիություն, կրծքով կերակրում, դաշտանադադար),

քրոնիկ հիվանդություններ, մասնավորապես էնդոկրին հիվանդություններ,

որոշ դեղորայքային խմբերի պրեպարատների ընդունում,

ճարպակալում,

վնասակար սովորություններ և այլն։ 

Հղիության ընթացքում և հետծննդյան շրջանում կանանց մոտ լիբիդոյի բացակայությունը նորմալ է, որը ժամանակի ընթացքում պետք է վերականգնվի։ Այս ընթացքում կնոջ օրգանիզմը վերականգնվում է, հոգ տանում բալիկի մասին և նպաստում կաթնարտադրությանը։

Ինչպես է դրսևորվում

սեռական հարաբերության փորձերից խուսափել ընդհուպ մինչև զզվանք,
սեռական կյանքից անբավարարվածություն,

տրամադրության վատացում և այս ամենի ֆոնին տարբեր օրգանական դրսևորումներ։

Սեռական ցանկության բացակայությունը բերում է նրան, որ պացիենտները դառնում են ավելի տագնապային, լարվում են զուգընկերոջ հետ միջանձնային հարաբերությունները,  ունենում են նեգատիվ վերաբերմունք սեփական մարմնի նկատմամբ։ Հաճախ գնում եմ տարբեր մասնագետների մոտ տարբեր օրգանական գանգատներով, հատկապես կանայք, և միայն մանրակրկիտ հավաքված անամնեզի դեպքում է պարզվում խնդիրների հիմքը որտեղ է։

Ինչպես ախտորոշել

Ցանկալի է սեքսուալ խնդիրների դեպքում այցելել բժշկի զույգով։

Ամենակարևոր փուլը մանրակրկիտ զրույցն է:
Սեքսոլոգիական խորհրդատվության ժամանակ անդրադառնում է պացիենտի կյանքի բոլոր փուլերին՝ սկսած մանկությունից:
Պետք է անպայման իմանալ թե ինչ մեթոդով է պաշտպանվում զույգը հղիությունից։

Զննում

Կանանց պարագայում պետք է գնահատել հեշտոցի զգայունությունը, խոնավությունը, մկանային տոնուսը, և ընդհանուր սեռական օրգանների վիճակը: Տղամարդկանց պարագայում ևս անհրածեշտ է արտաքին զննում

Այնուհետև պետք է անցկացվեն  որոշ հետազոտություններ, մասնավորապես հորմոնալ հետազոտություններ` բացառելու համար օրգանական խնդիրների առկայությունը,

Բուժումը

Շատ կարևոր է զույգային մոտեցումը, և զույգի ներգրավվածությունը բուժման պրոցեսում:

Եթե խանգարման պատճառներն են վստահության, հարգանքի բացակայությունը, զույգի մեջ չկա սեքսուալ  գրավչություն և զգացմունքային մտերմություն, ապա բացատրական զրույց է անցկացվում զուգընկերների հետ։ Շատ կարևոր է բացատրել, թե ինչի հետ է կապված լիբիդոյի նվազումը։Կանանց պարագայում չափազանց կարևոր է  էմոցիոնալ մտերմությունը, նախերգանքը։

Պետք է աշխատել բոլոր այն ֆակտորների վրա, որոնք ժամանակի ընթացքում բերել են սեռական ցանկության նվազման կամ բացակայության։

Եթե կան օրգանական խնդիրներ, պետք է զուգահեռ աշխատել հարակից մասնագետների հետ։

Խորհուրդներ

Սիրեք Ձեզ և Ձեր մարմինը, ժամանակ հատկացրեք Ձեր խնամքին,

բարձրացրեք Ձեր զգայունությունը-զարգացրեք Ձեր մտքերը, սեքսուալ ֆանտազիաները, օգտագործեք մոմեր, հաճելի երաժշտություն, մեդիտացիաներ, արոմաթերապիա ստեղծեք միջավայր, որտեղ Դուք ձեզ ավելի լավ եք զգում  երկարացրեք նախերգանքը, ազատ և բաց խոսեք Ձեր զուգընկերոջ հետ սեփական ցանկություններից, արտահայտեք այն ինչ Ձեզ դուր չի գալիս կամ գալիս է,

ֆիզիկական ակտիվություն, պարեր,

առողջ սննդակարգ  և իհարկե քնի նորմալ ռեժիմ։

Աղբյուր` Փաստինֆո