Փաստ ինֆո

Վարչական դատարանը՝ դատավոր Ռուզաննա Ազրոյանի նախագահությամբ, բավարարել է «Սիվիլնեթի» և «Թրանսփարենսի ինթերնեշնլ»-ի հայցադիմումը՝ ընդդեմ Կառավարության՝ պարտավորեցնելով կառավարությանը՝ ՍիվիլՆեթին և «Թրանսփարենսի ինթերնեշնլ» հակակոռուպցիոն կենտրոնին տրամադրել Զանգեզուրի պղնձամոլիբդենային կոմբինատի բաժնեմասի նվիրատվության պայմանագիրը։ «Սիվիլնեթ»-ի լրագրող Մկրտիչ Կարապետյանը ֆեյսբուքյան գրառում է կատարել՝ հայտնելով.

«Ընկերներ,մեծարգո պարոն Տրոցենկո, այսօր վարչական դատարանում Սիվիլնեթն ու Թրանսփարենսին հաղթել են վարչապետի աշխատակազմին։ Անցած տարվա վերջին դիմել էինք կառավարությանը, ասում էինք՝ մեզ տվեք Զանգեզուրի պղնձամոլիբդենային կոմբինատի կողմից կառավարությանը նվեր տված բաժնետոմսերի նվիրատվության պայմանագիրը։Ասում էին չէ, ասում էինք տվեք, պայմանագիրը կարդանք, տեսնենք մեջը ի՞նչ կա գրած, էլի ասեցին՝ չէ, երրորդ անգամ դիմեցինք, էլի մերժեցին։ Ստիպված դիմեցինք դատարան ու մոտ մի տարի դատը գնաց։ Այսօր դատարանը պարտավորեցրեց կառավարությանը մեզ տրամադրել նվիրատվության պայմանագիրը։ Շնորհակալություն ուշադրության համար։

Հ. Գ 1 տարի, 2 ամիս, 1 օր է անցել այն պայծառ օրվանից, երբ ԶՊՄԿ նոր փայատերը խոստանում էր կառուցել պղնձաձուլարան, ինչպես նաև օգնել ատոմակայան կառուցել։ Ինչպես տեսնում եք, երկուսն էլ արդեն կան, նախագծերով, փողով, բան պատրաստ են։
Հ.Գ Շնորհակալություն մեր փաստաբաններ Գենյա Պետրոսյանին,Էլինա ու Դավիթ Գյուրջյաններին կատարած մեծ աշխատանքի համար»։

Աղբյուր` Փաստինֆո