Փաստ ինֆո

Սոչիում կայացած եռակողմ հանդիպումը հիասթափություն է առաջացրեց հայ ժողովրդի մի ստվար հատվածի համար, որովհետև Ռուսաստանի նախագահի ակնարկով՝ հայտարարության սկզբնական տեքստը այլ էր, իսկ հետո փոոխությունների ենթարկվեց: «Փաստինֆո»-ի եթերում նման դիտարկմամբ է հանդես եկել ՀՀԿ փոխնախագահ Արմեն Աշոտյանը։

«Կային որոշակի սպասումներ զուտ այն իմաստով, որ Արցախի ճակատագրի հետ կապված որոշակի թույլ, բայց հուսադրող ազդակներ կարող էինք ստանալ: Խնդիրը այն է, որ մեր շահերը չի կարող ներկայացնել Ալիևի կողմից նվաստացումների ենթարկված մարդը»,- մանրամասնել է բանախոսը:

Ա. Աշոտյանի կարծիքով՝ անթույլատրելի է Սոչիում հայտարարել, որ Սոչին Պրահայի շարունակությունն է, քանի որ Պրահայում իշխանությունը համաձայնել է եվրոպական մոնիտորինգային միսիային, իսկ Սոչիում դրա մասին չի խոսվել:

Այնուհետև բանախոսը հավելել է. «Սոչիում համաձայնվում եք հարաբերությունների կարգավորման ռուսական տարբերակի հետ, որտեղ ընդամենը Արցախյան հարցի կարգավորում է: Այս տարբերակը ևս լավագույնը չէ մեզ համար, բայց ի համեմատ արևմտյան տարբերակի, որտեղ Արցախի հարցը փակվում է, Արցախը մտցնում են Ադրբեջանի կազմի մեջ հայաթափման և նոր ցեղասպանության հեռանկարով՝ ռուսական տարբերակը չարյաց փոքրագույնն է»:

Գործիչը մտավախություն է հայտնել առ այն, որ վտանգ կա, որ թուրք-ադրբեջանական զորքը ուղղակիորեն կներխուժի Երևան, և միակ երաշխավորը, որ դա տեղի չունենա՝ այսօր Ռուսասատանն է: Նրա խոսքերով, թեպետ Ռուսաստանը այս պահին մեր լավագույն անձրևանոցը չէ, բայց մենք այլընտրանք չունենք: Ուստի պետք չէ ժողովրդին խաբել կեղծ խաղաղությամբ, քանի որ աշխարհում ոչ մի տեղ խաղաղություն չկա, և խաղաղություն է հաստատվում այն ժամանակ, երբ հակամարտող կողմերի միջև գտնվում է երկուսի շահերը մինիմալ ներառող բանաձև:

Մանրամասները՝ տեսանյութում։

Աղբյուր` Փաստինֆո