Փաստ ինֆո

Պետական պաշտոնյան պետք է գնար Լարսում կանգներ, ամեն ինչ աներ, որ մարդիկ էդ գումարները չկորցնեին։ Մարդիկ իրենց տները գրավ են դնում, վարկ վերցնում, չեն կարողանում պաշտոնյայի հետ կապ հաստատել։ Հիմա ինձ ասում եք՝ 14.1 տոկոս տնտեսական աճ ենք ունեցել. դա բիզնեսն է տանջվում, չարչարվում, դուք էլ ասում եք՝ սենց բան է եղել։ Այդ թիվը հայտնի դեպքերի արդյունքում է եղել, մի՛ վերցրեց ձեզ վրա։

«Փաստինֆո»-ի հաղորդմամբ՝ ԱԺ-ում 2023թ. բյուջեի քննարկման ժամանակ ասաց ՔՊ-ական պատգամավոր Խաչատուր Սուքիասյանը՝ էկոնոմիկայի նախարար Քերոբյանին կոչ անելով նախարարության արածի մասին խոսել թվերով և ուրիշի արածներն իրենց չվերագրել։

«Շատ պաշտոնյաներ են գալիս, շատ ենք խոսում, բոլորը թվեր ու ժամկետներ են ասում, կազմակերպությունների անուններ են հրապարակում, իսկ Ձեզ հետ խոսելիս, ինչ ասում ենք, ասում եք՝ անում ենք, արեցինք, պայմանավորվել ենք....Ինձ համար հաճելի չի էս կարգի էկոնոմիկայի նախարարի հետ զրույց ունենալ։ Այդքան հարց տվեցինք ու ոչ մի թիվ, ոչ մի կազմակերպության, ծավալի մասին բան չլսեցի»,-ասաց Սուքիասյանը։

Քերոբյանի արդարացման փորձերին պատգամավորը կրկին հակադարձեց՝ շեշտելով, որ քաջատեղյակ է, թե 14.1 աճն ինչպես ու ինչի արդյունքում է արձանագրվել ու տնտեսության որ ճյուղն ինչ արդյունք է ցույց տվել։

Աղբյուր` Փաստինֆո