Փաստ ինֆո

Եվրահանձնաժողովը 100 մլն եվրո է հատկացրել եմ յոթ անդամ երկրների հետագա աջակցության համար, որոնք Ուկրաինայից մեծ թվով փախստականներ են ընդունում, հաղորդում է «Ինտերֆաքսը»:

ԵՀ կոմյունիկեի համաձայն՝ ԵՄ անդամ պետությունները կարող են այդ միջոցներն օգտագործել փախստականներին շտապ օգնություն ցուցաբերելու համար, այդ թվում՝ նրանց սնունդ, տրանսպորտ եւ ժամանակավոր կացարան տրամադրելու համար:

Բացի այդ, ինչպես նշվում է փաստաթղթում, այդ միջոցները կարող են գնալ փախստականների ինտեգրմանը, այդ թվում՝ խոցելի կատեգորիաների, ինչպիսիք են չուղեկցվող անչափահասները:

Եվրահանձնաժողովը այդ որոշումը կայացրել է 400 մլն եվրոյի օգնության փաթեթի շրջանակներում: առաջին տրանշը՝ 248 մլն եվրոյի չափով, որպես շտապ օգնություն ԵՄ հինգ պետություններին հատկացվել էր դեռ մայիսին: Խոսքը Հունգարիայի, Լեհաստանի, Ռումինիայի, Սլովակիայի և Չեխիայի մասին է։

Երկրորդ տրանշը նախատեսված է Բուլղարիայի, Լատվիայի, Լիտվայի, Լեհաստանի, Սլովակիայի, Չեխիայի և Էստոնիայի համար։

Աղբյուր` Փաստինֆո