Փաստ ինֆո

Կան տարբեր հաշվարկներ. եթե հաշվարկները կատարվում են հակառակորդի առաջնագծից մեր համապատասխան խորություններում, որտեղ հակառակորդը հաջողություն է ունեցել եւ օկուպացրել մեր ինքնիշխան տարածքից, ապա դա կազմում է մոտ 130 եւ որոշակի ավելի տարածք։ «Փաստինֆո»-ի հաղորդմամբ՝ ԱԺ-ում լրագրողների հարցերին ի պատասխան հայտարարել է ԶՈՒ գլխավոր շտաբի պետ Էդվարդ Ասրյանը։

Հիշեցնենք, որ ՀՀ վարչապետ Նիկոլ Փաշինյանը ՀՀ ԱԺ նիստում սեպտեմբերի 14-ին հայտարարել էր, թե թշնամին 2021 թվականին օկուպացրել է 40, իսկ 2022 թվականի սեպտեմբերին՝ 10 կմ տարածք, իսկ քպական պատգամավոր Արմեն Խաչատրյանը Սանկտ Պետերբուրգում՝ ՀԱՊԿ անդամ պետությունների խորհրդարանների խորհրդակցության ընթացքում հայտարարել էր, թե անցած մեկ տարվա ընթացքում ադրբեջանական զինուժը գրավել է Հայաստանի մոտ 127 քառակուսի կիլոմետր տարածք։ ԳՇ պետն այսօր ԱԺ-ում, փաստորեն, հաստատել է ոչ թե Փաշինյանի, այլ պատգամավորի հայտարարության հավաստիությունը։

Ասրյանի խոսքերով՝ տարածքների մակերեսի հաշվարկման տարբեր մեթոդներ կան: Հակառակորդի մխրճումը համապատասխան ճակատով եւ համապատասխան խորությամբ բոլոր ուղղություններում մխրճում չի արձանագրվել: Կան որոշ հատվածներ, որոնց մխրճման վերջավորությունը, գագաթը հասնում է օրինակ, 3,5 կմ, բայց թեւերը ընդամենը 100-200 մետր են:

Որպեսզի հաշվենք, թե որքան տարածքում է հակառակորդը գտնվում մեր տարածքում, չպետք է հաշվենք իրենց առաջնագիծը, մեր առաջնագիծը, պետք է հաշվի առնենք ՀՀ պետական սահմանը եւ սահմանային ինչքան կորուստ ունենք:

Կան դիրքեր, որտեղ հակառակորդը գտնվում է մեր պետական սահմանից հետ, կան դիրքեր, որ գտնվում է մեր սահմանից առաջ: Նման դեպքում առաջանում են մակերեսի հաշվարկման տարբերություններ»,-ասաց նա:

Աղբյուր` Փաստինֆո