Փաստ ինֆո

Արցախում երեկ ազատագրական պայքարի ոգին էր, հիմա գնդակը Հայաստանի դաշտում է։ Երեկ շատ արագ արձագանքեցինք Արցախից հնչեցված կոչին՝ նոյեմբերի 5-ին՝ ժամը 15-ին, Ֆրանսիայի հրապարակում հրավիրում ենք հանրահավաք, լրագրողների հետ հանդիպման ժամանակ հայտարարեց ՀՅԴ ԳՄ ներկայացուցիչ Իշխան Սաղաթելյանը.

Նրա խոսքով՝ նոյեմբերի 5-ին միասնության հանրահավաք է․

«Միասնություն ոչ թե որևէ անձի, քաղաքական ուժի կամ ընդդիմության շուրջ, այլ՝ միասնություն Արցախի ինքնիշխանության, Հայաստանի տարածքային ամբողջականության և անվտանգության շուրջ: Հանրահավաքը հրավիրել է «Դիմադրության շարժումը», բայց դա հայ ժողովրդի հանրահավաքն է: ՀՀ քաղաքացին, մասնակցելով այդ հանրահավքին, պետք է արձանագրի, որ տեր է իր հայրենիքին, և իր հայրենիքը սակարկման ենթակա չէ»,-ասաց Սաղաթելյանը՝ հավելելով, որ նոյեմբերի 5-ի հանրահավաքը քաղաքական չէ, այլ համազգային հանրավաք՝ հանուն Արցախի և Հայաստանի:

Իշխան Սաղաթելյանը դիմեց Վեհափառին և մտավորականներին՝ ակնկալելով նրանց աջակցությունը: Նա նաև դիմեց երիտասարդներին՝ կոչ անելով այդ օրը մասնակցել հանրահավաքին, քաղաքական ուժերին էլ կոչ արեց մի կողմ դնել կուսակցական շահերը և համախմբվել կարևոր գաղափարի շուրջ: Իշխան Սաղաթելյանը դիմեց նաև իշխող քաղաքական մեծամասնությանն` ասելով, որ հիմա վարչապետ Նիկոլ Փաշինյանին պաշտպանելու ժամանակը չէ, պետք է ուշքի գան։

Աղբյուր` Փաստինֆո