Փաստ ինֆո

«5 հազար, իսկ որոշ պատմաբանների գնահատմամբ, 6 հազար տարվա ընթացքում այս երկիրը ունեցել եւ կորցրել է պետականությունը, այդ ընթացքում որեւէ մեկը՝ կին, թե տղամարդ, որեւէ բանական էակ՝ լծակ ունենա, թե ոչ, ո՛չ Հայաստանի, ո՛չ համաշխարհային պատմության ընթացքում երբեք չի ցանկացել թաղել իր հայրենիքի հազարամյակների պատմությունը։ Նրա համար , հավանաբար, կարդացել են Չարենցի «Երկիր Նաիրի» վեպը, որտեղ Չարենցը միտք է առաջադրում, թե ինչ է Նաիրին՝ գուցե միֆ է․․․հարցադրում է անում, ասում է՝ մի՛ կառչեք հին ժամանակներից ու մի՛ արգելակեք ձեր զարգացումը , այդ հանճարն ասում է՝ 20-րդ դարասկզբին պիտի ընդունեք ձեր զարգացումը, սրանք, իբրեւ թե կիրառում են այդ տեխնոլոգիան եւ ասում են՝ թաղենք մեռելին։ Աննա Հակոբյանը դա միայն հայրենիքի մասին չի ասում, նա ասում է մեր սուրբ զավակների մասին»,-«Փաստինֆո»-ի հետ զրույցում ասաց Սփյուռքի նախկին փոխնախարար, բանասեր Սերժ Սրապիոնյանը՝ անդրադառնալով Նիկոլ Փաշինյանի կնոջ՝ Աննա Հակոբյանի գրառմանը։

Հիշեցնենք, Փաշինյանի կինը հերթական սկանդալային գրառումն արեց երեկ ու առաջարկեց հայ հասարակությանը․ «Պետք է մի օր, ի վերջո, մեր և մեր հայրենիքի հարաբերությունները ճանաչել մահացած, թաղել հինգհազարամյա մեռելին»։ Աննա Հակոբյանն առաջարկում է դա անել՝ «թաղել այդ ամենը, ինչպես մայրն է թաղել իր 19-ամյա որդուն»: Փաշինյանի կինը իր գրառմանը կցել էր 44-օրյա պատերազում զոհված հերոս Արման Ազատյանի, նրա մոր և այս տարվա հուլիսին ծնված Արման Ազատյան կրտսերի լուսանկարը, որն այս տարի հուլիսի 1-ին «Եռաբլուր» զինվորական պանթեոնում արվել է 168.am-ի կողմից:

Սրապիոնյանը զարմանում ու զայրանում է, թե ինչպե՞ս մայրը կթաղի իր 19 -ամյա զավակին ու կմոռանա, թե ինչպե՞ս կարելի է նման բառապաշար օգտագործել նահատակներին ասել՝ նեխած մեռել։ «Ես ներողություն եմ խնդրում, բայց ինչպե՞ս կարելի է մեր լույս զավակների մասին ասել՝ նեխած դի։ Մարդկանց երեխաների մարմինները պարկերի մեջ գցած՝ իրենք նեխացրին, կարտոֆիլի պարկերի մեջ լցրեցին այդ սուրբ աճյունները, ու հիմա նա ամենամեծ ցինիկությամբ հայտարարում է, թե այդ նեխած մարմինները, ինչպես մայրերն են թաղում , այդպես մենք պիտի թաղենք մեր հայրենիքը։ Մեր հայրենիքը երբեք չի՛ նեխում, ի տարբերություն այդ անհիշողություն ու մանկուրտ երեւույթների, այս հայրենիքը եղել է հոգեւարքի մեջ, եղել է թույլ, եղել է հզոր, բայց չի՛ նեխել», - վրդովված ասաց մեր զրուցակիցը։

Սրապիոնյանն արձանագրում է՝ Փաշինյանի կինը տեխնոլոգիա է կիրառում, նա Օվերտոնի պատուհան է բացում․«Հայ մարդու արյան եւ հոտոտելիքի մեջ փորձում են ներմուծել հայրենիքի նեխածությունը ու այդ հոտը մարդկանց զգալ տալ։ Զոմբիների մի ամբողջ խումբ հունգարական հորթերի նման քիչ էր մնում տրճինգ տար այդ դավաճանական մտքի համար։ Վերցրեք ցանկացած երկիր, հենց Թուրքիան՝ մեր դարավոր թշնամին, որեւէ թուրք կին, եթե հանկարծ փորձի հայտարարել, որ Թուրքիան նեխած է եւ պետք է նոր Թուրքիա ստեղծել, հրապարակում կբզկտեն , մարմնի կտորները չի երեւա»-շեշտեց նա՝ հավելելով, թե Աննա Հակոբյանը իբրեւ թե բազմել է հայոց թագուհիների գահին, իրեն երեւակայում է հզոր թագուհի եւ ճամարտակում է մեր սրբազան երկրի ու մեր զավակների հասցեին։ Սրապիոնյանը շեշտեց՝ 44-օրյա պատերազմի օրերին իր խմբի համար Հակոբյանը պատահականորեն չընտրեց «Էրատո» անունը, նա հենց Էրատոն է, որի բնագրումը տվել էր երջանկահիշատակ պատմաբան Արտակ Մովսիսյանը։

«Ես չգիտեմ՝ իր նախնիներն ի՞նչ ծագում ունեն, գուցե նեխում, փտում են, բայց մեր հայրենիքն ու մեր երեխաների աճյունները , ինչպես իմ եղբոր տղայի աճյունը, լույս է դարձել ու վերեւից լուսավորում է՝ ոչ այս խավարամիտներին։ Սա տեխնոլոգիա է, իրենցից է գարշահոտ փչում, ինչպես առանց կոյուղու գյուղական զուգարաններից։ Որ դա արդարացնեն, ամեն օր մի բան մոգոնում , գցում են քննարման դաշտ, որ ժողովուրդը շեղվի, չտեսնի, որ մարդը վաճառում է երկիրը»-եզրափակեց Սերժ Սրապիոնյանը։

Աղբյուր` Փաստինֆո