Փաստ ինֆո

Ժամանակ առ ժամանակ բացասական էմոցիոնալ ներարկումները նպաստում են, որ հասարակությունը դուրս չգա անօգնական, խեղճ հոգեվիճակից։ Դա նպատակաուղղված քարոզչություն է, որի գործիքակազմը գրագետ օգտագործում է Աննա Հակոբյանը՝ թույլ չտալով մարդկանց հաղթահարել անօգնականության, խեղճության զգացումը։ Այդ մասին «Փաստինֆո»-ի հետ զրույցում ասաց հոգեբան Կարինե Նալչաջյանը՝ անդրադառնալով Աննա Հակոբյանի այսօրվա գրառմանը։

Նշենք, որ Աննա Հակոբյանն այսօր նոր գրառմամբ է հանդես եկել՝ նշելով, որ թե «Սա մե՛նք ենք եւ մե՛ր հայրենիքը: Մենք սիրում ենք մեզ այնպիսին ինչպիսին կանք, մենք սիրում ենք մեր հարաբերությունները, եթե նույնիսկ դրանք մահացել են, բայց մենք պետք է թաղենք այդ հարաբերությունները եւ նորի ծնունդի հանարավորություն տանք:Հակառակ դեպքում մեռելը նեխում է։

«Պետք է թաղենք այդ ամենը, ինչպես մայրն է թաղել իր 19-ամյա որդուն»,- ասել է Աննա Հակոբյանը։

Հոգեբանի դիտարկմամբ՝ այդ ամեն ինչի նպատակը ժողովրդին հոգեբանորեն կոտրելն է, մարդկանց հուզական աշխարհի խորքը հասնելն ու ավերելը, և պիտի խոստովանենք, որ դա իրենց որոշակիորեն հաջողվում է։ «Մարդը վերականգնվելու հատկություն ունի, ու երբ նրանք զգում են դրա նշանները, մի նոր հարված են հասցնում։ Դա քարոզչական մեթոդ է և ճիշտ ընտրված գործիքներ են օգտագործում դրա համար»,-նշեց հոգեբանը։

Ավելին, 19-ամյա տղային թաղելու հետ Աննա Հակոբյանի զուգահեռը, հոգեբանի դիտիարկմամբ, իրականում սատանիստական հակվածության մասին է վկայում։

«Ինչպե՞ս է հնարավոր 19 տարեկանին թաղել, հետո ձևացնել՝ կարծես ոչինչ չի եղել։ Այդքան հե՞շտ է թաղելն ու մոռանալը։ Այդ մարդիկ արյան ծարավ ունեն, հերիք չի՝ մեղքի զգացում չունեն հազարավոր զոհերի, կորցրած կյանքերի համար, հիմա էլ թույլ են տալիս իրենց այդպիսի ցինիզմով խոսել։ Դա մաքուր ցինիզմ է և այդ խոսքերը դուրս են գալիս կնոջ բերանից, մինչդեռ կինն առհասարակ ջերմության, հոգատարության խորհրդանիշն է...Այստեղ ևս պարզ երևում է մահվան նկատմամբ նրանց սատանիստական հակվածությունը, արյան ծարավ լինելը»,-ասում է հոգեբանը և կրկնում, որ մահվան, արյան թեմայով անդրադարձների, կատարվածը մոռանալու քարոզների վերջնանպատակը թույլ չտալն է, որ հասարակությունը շտկի իր մեջքը։

Աղբյուր` Փաստինֆո