Փաստ ինֆո

Հոկտեմբերի 27-ի գործի ամբողջական վերաբացումը կապված է Հայաստանի ինքնիշխանության լիարժեք ձեռքբերման հետ, քանի որ գործն ունի արտաքին -քաղաքական հետք: «Փաստինֆո»-ի հաղորդմամբ՝ այս մասին լրագրողների հետ զրույցում հայտարարել է ՀՀ նախկին վարչապետ, «Հանրապետություն» կուսակցության նախագահ Արամ Սարգսյանը:

Նրա համոզմամբ՝ Դատախազությունն իր մասով քննությունն ավարտել է և ավելին չի կարող անել, որովհետև հոկտեմբերի 27-ի արտաքին-քաղաքական հետքն է պետք ստուգել, ուստի այս հարցով պետք է զբաղվի ԱԱԾ-ն:
Ըստ Արամ Սարգսյանի ՝հոկտեմբերի 27-ի գործը Հայաստանի անկախության և միջպետական պայմանավորվածությունների հետ է կապված.
«Ինչ վերաբերում է ներքին պատվիրատուների խնդրին, կարծում եմ, հանրությունն իր մեջ հետևություններ է արել, և հանրության տեսակետը դատարանը չի կարող փոխել: Յուրաքանչյուր մարդ իր փաստարկներն ունի, մարդկանց մի մասը նայում է՝ ով շահեց հոկտեմբերի 27-ից, կամ արտաքին առումով ում ձեռնտու եղավ դա»,-ասաց Արամ Սարգսյանը:

Նրա խոսքով՝ հոկտեմբերի 27-ը Հայաստանի ինքնիշխանության դեմ ուղղված քայլ էր, որը խանգարեց ՀՀ-ին մտնել 21-րդ դար.
«Կարեն Դեմիրճյանի և Վազգեն Սարգսյանի «Միասնություն դաշինքը» կառուցենք և պաշտպանենք-ի վրա էր հիմնված և ցավոք այդ սպանություն իր արդյունքը տվեց, Հայաստանը 21-րդ դար չմտավ»,-ասաց Սարսգյանը:

Աղբյուր` Փաստինֆո