Փաստ ինֆո

Վերջին տարիներին նկատվում է վահանաձև գեղձի հիվանդությունների աճ ինչպես կանանց, այնպես էլ տղամարդկանց շրջանում :

Այս մասին «Փաստինֆո»-ի եթերում նշել է բժիշկ-սեքսոլոգ Լուսինե Ստեփանյանը` նշելով, որ վահանաձև գեղձը արտադրում է օրգանիզմի կենսագործունության համար կարևորագույն՝ թիրեոիդ հորմոններ, որոնց թեր կամ գերարտադրությունը բերում է օրգան-համակարգերի գործունեության խանգարման։այդ թվում նաև սեռական և վերարտադրողական ֆունկցիայի:

Հորմոնալ համակարգը մի շղթա է, որտեղ բոլոր հորմոնները կապված են մեկը մյուսի հետ։

Հետևաբար, այդ շղթային օղակներից մեկում խնդրի առկայությունը անդրադառնում է ամբողջ շղթայի վրա։

Առկա է գեղձի ֆունկցիայի խանգարման 2 տարբերակ ՝

-հիպերթիրեոզ՝ թիրեոիդ հորմոնների գերարտադրության,

-հիպոթիրեոզ՝ թիրեոիդ հորմոնների թերարտադրության առաջացմամբ:

Բժշկուհու դիտարկմամբ` վահանաձև գեղձի հորմոններն ունեն կարգավորիչ ազդեցություն սեռական գեղձերի՝ ձվարանների և ամորձինների վրա՝ կարգավորելով սեռական հորմոնների արտադրությանը, հետևաբար նաև ռեպրոդուկտիվ ֆունկցիան։

Վահանաձև գեղձը բավականին լուրջ ծանրաբեռնավության է ենթարկվում հատկապես հղիության ընթացքում, մասնավորապես 1-ին եռամսյակում։ Հետևաբար նախքան հղիության պլանավորումը շատ կարևոր է անցնել պրոֆիլակտիկ հետազոտություններ։

Կանանց մոտ գեղձի ֆունկցիայի խանգարումը դրսևորվում է սեռական և ռեպրոդուկտիվ համակարգում խնդիրների առաջացմամբ․

-դաշտանային ցիկլի խանգարումներ,

-օվուլյացիայի բացակայություն, հետևաբար նաև անպտղություն,

-սեռական ցանկության իջեցում կամ բացակայություն,

-սեռական գրգռման և/կամ հեշտոցի խոնավեցման՝ լյուբրիկացիայի խանգարում,

-օրգազմի թուլացում կամ բացակայություն։

Հաճախ կանանց մոտ վահանաձև գեղձի խնդրի առաջնային դրսևորում լինում են սեքսուալ խնդիրները, մասնավորապես ցանկության իջեցումը։ Եվ միայն մանրամասն հավաքված անամնեզի և լաբորատոր հետազոտության արդյունքում հայտնաբերվում է բուն խնդիրը։

Տղամարդկանց մոտ վահանագեղձի ֆունկցիայի խանգարման հնարավոր դրսևորումներից հանդիսանում է հիպոգոնադիզմի առաջացումը:

Հիպոգոնադիզմը ամորձիների ֆունկցիայի խանգարման հետևանքով տեստոստերոնի անբավարար արտադրությունն է, որը կարող է դրսևորվել հետևյալ սեռական խանգարումներով՝

-սեռական ցանկության նվազում կամ բացակայություն,

-էրեկցիայի խանգարում՝ թուլություն կամ բացակայություն,

-վաղաժամ կամ ուշացացած սերմնաժայթքում:

Տեստոստերոնը շատ կարոևոր սեռական հորմոն է, որը պատասխանատու է սեռական ցանկության՝ լիբիդոյի առաջացմանը ինչպես տղամարդկանց, այնպես էլ կանանց մոտ:

Բացի այդ, տեստոստերոնի անբավարար մակարդակը ազդում է սպերամտոզոիդների աճի և զարգացման վրա՝ դառնալով անպտղության առաջացման գործոն:

«Սեռական դիսֆունկցիաների առաջացման պատճառը միայն հորմոնալ խանգարումները չեն: Հորմոնալ խանգարումները անդրադառնում են նաև նյարդային համակարգի վրա առաջացնելով հոգեհուզական փոփոխություններ՝ դեպրեսիա կամ գերակտիվ վիճակ, տրամադրության անկում կամ բարձրացում, որոնք իրենց հերթին անդրադառնում են սեռական ֆունկցիայի վրա խորացնելով խնդիրները», - նշել է Լ. Ստեփանյանը։

Մանրամասները` տեսանյութում:

Աղբյուր` Փաստինֆո