Փաստ ինֆո

Հայկական բանակն ուղղում է իր մեջքը, սրա վառ օրինակը սեպտեմբերի 13-ի պատերազմի ժամանակ մեր տղաների հերոսանալն էր: Այս մասին լրագրողների հետ զրույցում ասել է ԱԺ նախագահ Ալեն Սիմոնյանը։

Նրա խոսքով՝ սեպտեմբերի 13-ի պատերազմի ժամանակ թշնամու մտադրությունները լրիվ այլ են եղել, սակայն շնորհիվ մեր բանակի՝ չեն կարողացել իրականացնել իրենց նպատակները:

«Նպատակ է եղել հնարավորինս շատ տարածքային առավելություն ունենալ, իսկ մինիմալ նպատակըեղել է ստուգել հայկական բանակի մարտունակությունը;

Իսկ այն փաստը, որ Ադրբեջանը հենց առաջին ժամերին հայտարարեց, որ 70 զոհ ունեն, խոսում է նրա մասին, որ ավելի շատ զոհ ունեն: Իմ տվյալներով՝ զոհերի թիվը 431 է»,-ասաց նա:

Ինչ վերաբերվում է ԵՄ առաքելության իրականացմանը՝ Ալեն Սիմոնյանն ասաց.

«Շատ կուզենամ, որ ոչ միայն ԵՄ, այլ նաեւ Ռուսաստանի ու ՀԱՊԿ-ի դիտորդները գան ամիսներով նայեն, թե ով է սադրում, ով է խախտում հրադադարը»:

Ըստ Ալեն Սիմոնյանի՝ Ադրբեջանի վրա աննախադեպ միջազգային ճնշում կա:

Նրա խոսքով՝ Հայաստանի դիվանագիտական քաղաքականությունը վերջին մեկ-երկու տարվա ընթացքում աշխատում է շատ լավ:

«Դուք տեսաք, թե որքանով ակտիվացան հայ-ամերիկյան հարաբերությունները: Երկար ժամանակ ասում էին, թե ԱԳՆ-ն գլխատվել է, տեսնում ենք, թե որքան ճիշտ է պարոն Միրզոյանի ու իր թիմի աշխատանքը», - նշեց ԱԺ նախագահը:

Աղբյուր` Փաստինֆո