Փաստ ինֆո

Հայաստանը պատրաստ է ընդունել սամբոյի աշխարհի երիտասարդական առաջնությունը։ Պաշտոնական մեկնարկից առաջ սամբոյի միջազգային ֆեդերացիայի նախագահ Վասիլիյ Շեստոկովն ու Եվրոպական ֆեդերացիայի նախագահ Սերգեյ Ելիսերը՝ ՀԱՈԿ նախագահ Գագիկ Ծառուկյանի հյուրերն են։

Սամբոյի համաշխարհային դեմքերը հայրենական սպորտի ղեկավարի հետ նախ շրջում են Օլիմպավանում, ծանոթանում հայկական սպորտի դարբնոցի հնարավորություններին։

Հյուրերին հիցրել են ստեղծված պայմանները․ նրանք նշել են, որ մեկ հարկի տակ այսքան մարզադահլիճ՝ նման կահավորմամբ, շատերը կերազեն ունենալ։ Խոսելով հայկական սպորտի հաջողությունների մասին, սամբոյի միջազգային ֆեդերացիայի նախագահն առանձնացրել է Գագին Ծառուկյանի խոշոր ներդրումը։

Հայ գործընկերներին Շեստոկովը համարում է վստահելի, և պատահական չէ, որ հենց Երևանն է ընտրվել այն վայրը, որտեղ պետք է անցկացվի մարզական համաշխարհային ստուգատեսը։

Գագիկ Ծառուկյանը վստահեցնում է, որ Երևանում մեկնարկող առաջնությունը մեծ հեղինակություն կբերի Հայաստանին, և հայ մարզիկներն իրենց հաղթանակներով բարձր կպահեն մեր երկրի պատիվը։

«Հայկական սպորտի առջև բոլոր ճանապարհները բաց են։ Հնարավորություն ենք տալու մեր մարզիկներին դուրս գալ, մրցել, մեդալներ բերել, մեր հիմնը հնչեցնել, դրոշը բարձրացնել, աշխարհով մեկ ավելի մեծ ճանաչում ունենալ, որպեսզի մեր ժողովուրդը կարողանա ուրախանալ և հպարտանալ այդ հաղթանակներով»,- ասում է Ծառուկյանը։

Մանրամասները՝ տեսանյութում

Աղբյուր` Փաստինֆո