Փաստ ինֆո

Ադրբեջանի հետ սահմանազատումը Խորհրդային Հայաստանի 1985-1991թթ․ քարտեզներով իրականացնելու դեպքում, այսպես կոչված, «անկլավները» հարվածի տակ կդրվեն։ Որպեսզի Հայաստանի համար ռազմավարական նշանակություն ունեցող այդ տարածքները, որոնք 1930-40-ական թվականներին խորհրդային ղեկավարությունը Հայաստանից ապօրինաբար պոկել և տվել է Ադրբեջանին, կրկին չկորցնենք, քարտեզագետ Ռուբեն Գալչյանը պնդում է՝ սահմանազատման համար պետք է հիմք ընդունվի 1926թ․ քարտեզը։

«Փաստինֆո»-ի հետ զրույցում քարտեզագետը նկատել է` պաշտոնապես հաստատված, Հայաստանի և Ադրբեջանի կողմից վավերացված այդ քարտեզով Հայաստանի տարածքն ավելի քան 31 հազար քառ․ կմ է, և որ շատ կարևոր է՝ Հայաստանն ու Արցախը բաժանվում են ընդամենը Աղավնո գետով։

Ինչ վերաբերում է Ադրբեջանի կողմից շրջանառության մեջ մտցվող իրենց մտացածին քարտեզին, ապա մասնագետը նշում է` դրան կարող ենք հակադարձել բազմաթիվ այլ քարտեզներով, որտեղ Հայաստանն ունի ավելի քան 100 քառ. կմ. տարածք ու հասնում է մինչեւ Քուռ գետը` այն տարբերությամբ, որ Ադրբեջանի ներկայացրած քարտեզը երբեք որեւէ մեկը չի տեսել, իսկ մեր քարտեզը` քննարկվել է:

Մանրամասները՝ տեսանյութում։

Աղբյուր` Փաստինֆո