Փաստ ինֆո

«Արդեն պարզ է, որ փետրվարի 24-ից Ուկրաինայի տարածքում Ռուսաստանի անցկացրած ռազմական հատուկ գործողությունը վերածվել է լայնածավայլ պատերազմի՝ Ռուսաստանի և ՆԱՏՕ-ի միջև։ Եվ վաղուց արդեն ուկրաինացիներն այդ պատերազմին կողմ չեն։ Ուկրաինացիներն այս պատերազմին մասնակցում են իբրև ՆԱՏՕ-ի մյուս խմբավորումների հետ հավասար խմբավորում, կռվում են ՆԱՏՕ-ի զենքով։ Բնական է, որ այս հանրաքվեից հետ տեղի են ունեալու նաև շատ ավելի կարևոր փոփոխություններ»,- «Փաստինֆո» եթերում նման կարծիք է հայտնել միջազգայնագետ Գրիգոր Բալասանյանը։

Ինչպես արդեն տեղեկացրել ենք՝ Դոնեցկի, Լուգանսկի, Խերսոնի և Զապորոժիեի շրջանների մի մասում անցկացվեց հանրաքվե՝ Ռուսաստանին միանալու հարցով։

Ըստ Բալասանյանի, փետրվարի 24-ից նշված տարածքում անցկացվող հատուկ գործողությունը բնական է, որ այսուհետ այլ է լինելու։  Քանի որ եթե այդ 4 մարզերը ճանաչվեն Ռուսաստանի տարածք, բնական է, որ հատուկ գործողության ձևաչափը փոխվելու է։ Փորձագետները նշում են, որ մեծ է հավանականությունը, որ Ռուսաստանը անցում կկատարի մեկ այլ ռազմական գործողության, որը կոչվում է հակաահաբեկչական գործողություն։

«Խնդիրն այն է, որ Ռուսաստանը բազմիցս նշել է, որ այն տարածքները, որոնք արդեն անցնում են իր տիրապետության տակ և դառնում են ՌԴ տարածք, այդ տարածքում եթե կատարվեն ահաբեկչական գործողություններ, ապա իրենց արձագանքը կոշտ է լինելու։ Հետևաբար, ենթադրվում է, որ հանրաքվեից հետո Ռուսաստանն անցնելու է ավելի կոշտ քաղաքականության Ուկրաինայի հանդեպ»,-կարծում է Բալասանյանը։

Արդեն հայտնի է, որ հանրաքվեի անցկացումից հետ Ուկարինայի նախագահ Վլադիմիր Զելեսկին ստորագրեց ՆԱՏՕ-ին անդամակցության դիմումը, որը՝ ըստ վերլուծաբանի, սառը ցնցուղ եղավ հենց Զելենսկու համար, քանի որ ՆԱՏՕ-ն հայտարարեց, որ այս պահին չեն դիտարկում Ուկրաինային ՆԱՏՕ-ի անդամ դարձնելու հնարավորությունը։ Ինչպես նշում է Բալասանյանը, սա նշանակում է , որ ՆԱՏՕ-ն ՈՒկրաինայի տարածքում պատրաստ է կռվել Ռուսաստանի դեմ, սակայն պատրաստ չէ Ուկրաինային ընդունել սեփական շարքերը, շատ լավ հասկանալով, որ այդպիսով միանգամից մեծանալու է Ռուսաստանի հետ բախման հնարավորությունը։

«Այսօր արդեն ՆԱՏՕ-ի անդամ երկրների մայրաքաղաքներում տեղի են ունենում, բազմահազարանոց ցույցեր, որոնք կառավարությունից պահանջում են առաջին հերթին ուշադրություն դարձնել սեփական քաղաքացիների խնդիրներին, քան անդադար զենք-զինամթերք և ֆինանսական միջոցներ մատակարարել Ուկրաինային։ Սա նշանակում է , որ հատուկ ռազմական գործողություններից անցում կատարելով հակաահաբեկչական գործողության, Ռուսաստանն իր ձեռքերին ազատություն է տալիս՝ իրեն ժամանակային սահմանափակումից դուրս դնելով»,-նշեց Գրիգոր Բալասանյանը։

Բալասանյանի դիտարկմամբ, այսպիսով Ռուսաստանը հնարավորություն է ունենալու անմիջական հարվածներ հասցնել բոլոր ենթակառուցվածքներին։ Ինչպես նաև անցում կատարելով ռազմական հատուկ գործողություններից հակաահաբեկչական գործողությունների, Ռուսաստանը չի բացառվում խոշոր հարվածներ հասցնի նաև զենք մատակարարող օդանավակայաններին։ Ինպես նշում է Բալասանյանը, սա նշանակում է, որ ռազմական գործողություններն ավելի են սաստկանալու։

Մանրամասները՝ տեսանյութում։

Աղբյուր` Փաստինֆո