Փաստ ինֆո

Կարեն Անդրեասյանը Նիկոլ Փաշինյանի լուսանկարը ԲԴԽ չի տանի։ Փաշինյանի լուսանկարին կփոխարինի Ֆեմիդայի արձանիկը և մուրճը։ Լրագրողների հետ զրույցում, անդրադառնալով հարցին, թե արդյո՞ք Փաշինյանի նկարը տանելու է ԲԴԽ, ոգեշնչվելու է դրանով, Անդրեասյանը նշեց՝ նկարը իր պաշտոնավարման ժամանակ եղել է կարմիր թելը, որով անցել է։

«Իմ կյանքում ես միայն մի նկար եմ աշխատասենյակում կախել։ Գործադիր մարմնում իմ այդ քայլը՝ որպես խորհրդանիշ՝ պետության ղեկավարի լուսանկարն աշխատասենյակում ունենալը եղել է սիմվոլների տրամաբանության մեջ»,- նշեց Կարեն Անդրեասյանը՝ հավելելով, որ այդ տեսակի սիմվոլիկան ԱՄՆ-ից՝ մինչև հարյուրավոր երկրներ՝ ընդունված է պետության ղեկավարի նկարը հատկապես գործադիրում ունենալը, միևնույն ժամանակ, որևէ անկախ մարմնի աշխատասենյակում չի կարող լինել գործադիր մարմնի ղեկավարի նկարը։

Դիտարկմանը, որ Անդրեասյանը նախկինում հայտարարել էր, որ դա ոգեշնչում է, ինչպես է ոգեշնչվելու՝ Անդրեասյանը նշեց. «Քանի որ ծաղրանքով հարց էր հնչել՝ նայում եք նկարին, խոսում եք հետը, ընդամենը սխալվեցի քաղաքականապես այն իմաստով, որ օգտագործեցի հենց այդ ձևակերպումը, իսկ հետագայում, երբ կտրվեց կոնտեքստից, ստացվեց, որ ես նայում եմ նկարին ու ինչ-որ հատուկ գործողություն կատարում»։ Նա նշեց, որ ԲԴԽ անդամ ընտրվելու դեպքում նոր խորհրդանիշներ կլինեն՝ Ֆեմիդայի արձանիկը, մուրճը։

Աղբյուր` Փաստինֆո