Փաստ ինֆո

Հոկտեմբերի 2-ից Ժնևում մեկնարկել է Հայաստանի և Ադրբեջանի արտաքին գործերի նախարարների հանդիպումը, որի մասին պայմանավորվածություն էր ձեռք բերվել դեռևս սեպտեմբերի 27-ին, ԱՄՆ-ում ՝ ՀՀ ԱԽՔ-ի և Ադրբեջանի նախագահի օգնականի հանդիպման Ժամանակ։ «Փաստինֆո»-ի եթերում միջազգայնագետ Գրիգոր Բալասանյանը վերլուծելով հանդիպման մանրամասները նշում է , որ խոսակցություններ կար, որ արդեն առկա է համաձայնեցված տեքստ՝ խաղաղության պայմանագրի վերաբերյալ։

Միաժամանակ նա ուշադրություն է հրավիրել ադրբեջանցիների կողմից պատերազմական հանցագործությունների վերաբերյալ ԵՄ ներկայացուցչի դիրքորոշման փոփոխության վրա։

«Ադրբեջանցիների կողմից հայ գերիների գնդակահարության վերաբերյալ տարածված արդեն հայտնի տեսանյութի մասին Հարավային Կովկասի եւ Վրաստանի ճգնաժամի հարցերով Եվրոպական միության հատուկ ներկայացուցիչ Տոյվո Կլաարը հայտարարեց, որն անընդունելի է նման վարքագիծը և այդ դաժանությունը հատուկ քննության պետք է առնվի։ Սակայն զարմանալիորեն մեկ օր անց նույն Տոյվո Կլաարը հայտնեց, որ ստացվել է նույնաբովանդակ տեսանյութ նաև ադրբեջանցիների կողմից, որ, իբր, հայ զինվորականներն էլ են նման վարքագիծ դրսևորել։ Այսինքն, ստացվում է ԵՄ ներկայացուցիչը մեկ օրվա մեջ երկու կարծիք փոխեց, ինչն անընդունելի է նման պարագայում, քանի օր նման նուրբ հարցերում՝ ինչպիսին են հայ-ադրբեջանական խաղաղության պայմանագրի ստորագրումը, միջնորդ կողմը չի կարող մեկ օրվա մեջ երկու կարծիք հայտնել», -կարծում է միջազգայնագետը։

Գրիգոր Բալասանյանի դիտարկմամբ, եթե այդ տրամաբանությամբ են առաջնորդվում, ապա պետք է սկսեն հաշվի առնել 1988 թվականի սումգայիթյան ջարդերը, քառօրյա պատերազմի ժամանակ Թալիշում հայ ծեր ամուսների դաժանաբար սպանությունը, ապա նոր միայն սկսեն քննարկել, թե որ տեսանյութն է ավելի արժանահավատ։ Նման գործելաոճն իհարկե անթույլատրելի է, և Բալասանյանի կարծիքով, երբ ըստ էության, արդեն կա թարմ տեսանյութ հայ-ադրբեջանական վերջին լարվածության վերաբերյալ, ապա հենց այդ տեսանյութն էլ պետք է դառնա միջազգային քննության առարկա։

«Հայաստանի պատվիրակությունն ընդառաջ գնալով ԵՄ կոչին և խնդրանքին մասնակցեց այս հանդիպմանը։ Բայց երևի ավելի ճիշտ կլիներ կամ սառը ցնցուղ կլիներ եվրոպացիների համար, որ հայկական պատվիրակությունը, հղում անելով այս տեսանյութը, ընդհանրապես հրաժարվեր ադրբեջանցիների հետ բանակցային որևէ գործընթացից։ Ինչևէ, բանակցային գործընթացն սկսվեց․․․»։

Մանրամասները՝ տեսանյութում։

Աղբյուր` Փաստինֆո