Փաստ ինֆո

ՀՀ երևակայական վարչապետն իրեն շախմատի տախտակի առաջ է երևակայում․

Նա նախօրեին դիմում էր միջազգային հանրությանը, թե՝ պետք է «խստորեն դատապարտեք» ադրբեջանցի զինվորների կողմից իրականացված հայ ռազմագերիների գնդակահարությունները՝ Հայաստանի ինքնիշխան տարածքում։

Իսկ այսօր այն թերթում, որը վաղուց հանրությանը հայտնի է որպես «հավաստի աղբյուրով» դեղին մամուլ, հանրությունը կապիտուլյանտական ձեռագիրը տեսավ։ Եվ միանգամից տեսավ ու ճանաչեց այն ականջները, որ տասնամյակներ երևացել են տվյալ դեղին մամուլում։ Այստեղ երբեք ի նպաստ հայության, Հայաստանի, Արցախի և ի շահ հայկական բանակի, թշնամու հարձակումների դեմ կանգնած սահման պահող հայ զինվորի հրապարակումներ չես հանդիպի։

Այդ ծանոթ ձեռագիրով արդեն մի քանի տարի սևով սևի վրա նույն անձը գրում է կամ նրան պարտադրում են գրել /ինչն, ի դեպ, արդեն էական էլ չէ/ ՝ «Հայաստանը պետք է վարի այնպիսի քաղաքականություն, որ բացառապես և միայն ադրբեջանի համար շահավետ լինի»։

Ընդ որում, այս ամենն արվում է զուգահեռաբար. մի կողմից միջազգային հանրության թույլ և անատամ արձագանքն է լսվում, այնպես, մի թեթև սաստում են ադրբեջանին․ մյուս կողմից՝ էլ՝ դեղին մամուլում մի ամբողջ «լավաշ» է հատկացվում ադրբեջանի ցանկություններին և երազանքներին։

Այսինքն, ստացվում է, որ Հայաստանում թերթ է տպագրվում ադրբեջանական, թուրքական, ի վերջո, սիոնիստական երազանքի մասին։

Արդյո՞ք սա չի եղել նաև երիտթուրքերի երազանքը՝ 107 տարի առաջ իրականացված՝ ուզեցին մեկ հայ թողնել և այն էլ՝ թանգարանում։

Ի հեճուկս սրանց՝հայն ու Հայաստանը թանգարանային նմուշ չդարձան։

Հարյուրամյակը մեկ՝ պատմությունը կրկնվում է։ Տեր Պետրոսյանի կոդավորված խոսքը հիշում ենք՝ «հարյուրամյակը առանց ռեժիմի», «Պուտինի հրաժարականը կրծքին սեղմած»․․․ որոնցով իրենց սասնածռեր կոչողները 7 տարի առաջ մի օր դեպի Արցախ ճամփա ընկան ու տեղ չհասան։

Միշտ տարբերակներ են խաղարկում գլոբալիստական վերին օթյակները։ Հայաստանում ներդրվեցին մի կողմից ազգային դիմակի տակ մտած ծռականները, մյուս կողմից՝ նրանց անհաջողությունից հետո վերը նշված կենտրոնները շատ արագ հրապարակ բերեցին հաջորդ տարբերակը՝ կոսմոպոլիտ-արևմտամետ, կեղծ ժողովրդավար ու անհայրենիք գենդերիզմով ու մարիխուանայով սնվածներին։

Որ ամեն դեպքում պատրաստ էին սպասարկել թուրքադրբեջանական եղբայրության ցանկացած պահանջ։
Փաշինյանական կանխամտածված հորինվածքը՝ «խաղաղության օրակարգ» կոչված՝ հենց դրա համար է։ Իբր՝ ինչ էլ լինի, ինքն իր օրակարգն է սպասարկում։

Իրականում էլ կետ առ կետ, սեփական ձեռքով սևով սևի վրա գրված ադրբեջանական օրակարգն իր իր անձնական օրակարգն է։
ԼՂ պաշտպանության բանակի լուծարում։ ԼՂ ճանաչում Ադրբեջանի կազմում՝ առանց որեւէ` նույնիսկ ինքնավար կարգավիճակի:

Միջանցք Հայաստանի տարածքով: Սահմանագծման եւ սահմանազատման գործընթաց 1919, 1920 թվականի /հորինված/քարտեզներով․․․ Անհետ կորած ադրբեջանցիների ճակատագրի պարզաբանում, հնարավոր է հետագայում Հայաստանին պատերազմական հանցագործությունների մեջ մեղադրելու միտումով:

Սա նաև՝ իր հոգևոր հոր օրակարգն է, ով խաղից դուրս եկավ, երբ գրվեց սևով՝ սևի վրա․․․

Աղբյուր` Փաստինֆո