Փաստ ինֆո

Ես այսօր մանրակրկիտ կպատմեմ, թե դուք այդ օրն ինչ նպատակ ունեիք, ինչ կասկածելի բաներ կային, որ ուզում էիք ժողովրդի ցասումը տանել արյունահեղության: Մենք այդ մարդիկ չենք, որ թույլ կտանք, որ այստեղ արյուն հեղվի: Եթե այդպես ցասումը կառավարող մարդիկ եք, գիտեիք՝ որ կողմ ուղղորդեիք, գայիք՝ ուղղորդեիք: Այս մասին լրագրողների հետ զրույցում ասաց Կարին Տոնոյանը՝ նշելով, որ իրենց պայքարը չի դադարելու, թույլ չեն տալու ժողովրդին տանել արյունահեղության:

«Երկնքից չի ընկնելու փրկությունը, բոլորս պետք է պայքարենք: Այո, պետք է պայքարենք նաև գործադուլով, մեկ ամիս սոված մնալով: Մեր տղաներից լա՞վն ենք, որոնք դիրքերում են: Մենք պայքարելու ենք այնքան, մինչև հաղթանակը տուն բերենք, այլ կերպ չի կարող լինել»,- նշեց Տոնոյանը:
Կարին Տոնոյանի խոսքով՝ բնական է, որ այդ պայքարի ժամանակ կարող են լինել սխալներ ու անհաջողություններ։

«Դու դրանց վրա սովորում ես նաև, որովետև մեզնից որևէ մեկը չի ծնվել հենց նմանատիպ պայքարի համար, մեզնից ոչ մեկը ինչ-որ համալսարան չի ավարտել նմանատիպ պայքարների համար։ Մեզ վրա ոչ էլ արտաքին ուժեր են աշխատել ու վարժեցրել, թե ինչպես հասնենք հաջողության, բայց մեր մղումը գալիս է մեր սիրուց՝ հայրենիքի, զավակների նկատմամբ»,- նշեց նա:

Աղբյուր` Փաստինֆո