Փաստ ինֆո

Խորհրդարանն իր այսօրվա աշխատանքը մեկնարկեց մեկ րոպե լռությամբ հարգելով երեկ ադրբեջանական ագրեսիայի հետևանքով սահմանին զոհված զինվորների հիշատակը: «Հայաստան» և «Պատիվ ունեմ» խմբակցության պատգամավորները ևս վերադարձել են խորհրդարան:

ԱԺ նախագահ Ալեն Սիմոնյանը հայտնեց, որ այսօր ժամը 11-ին խորհրդարան կգա Նիկոլ Փաշինյանը, որը կներկայացնի սահմանային իրավիճակը.

«Տեղյակ եք, որ այս գիշեր ադրբեջանական զորքերը մի քանի ուղղությամբ կրակ են բացել ՀՀ ուղղությամբ. մենք ունենք նաեւ զոհեր ու վիրավորները: Այս մասին, այսօր՝ սեպտեմբերի 13-ին, ԱԺ նիստի սկզբում հայտարարեց ԱԺ նախագահ Ալեն Սիմոնյանը, որից հետո ներկաները մեկ րոպե լռությամբ հարգեցին զոհերի հիշատակը:

«Ստեղծված իրավիճակում թե մեր ժողովուրդը, թե քաղաքական ուժերը պետք է լինենք մաքսիմալ միասնական: Այս իրավիճակում մենք չենք կարող քաղաքական եւ այլ տարաձայնությունների տեղ տալ: Մեր համաքաղաքացիներին եմ ուզում դիմել՝ որեւէ ձեւով խուճապի չմատնվել, մենք շատ բարդ իրավիճակում ենք գտնվում: Խնդրում եմ որեւէ ձեւով թե ապատեղեկատվությանը, թե տարբեր տարածվող լուևրերին տեղիք չտալ, դրանք չտարածել, հետեւել միայն պաշտոնական տեղեկատվությանը:

Տեղեկացնեմ նաեւ, որ օգտվելով ԱԺ կանոնակարգ սահմանադրական օրենքում ամրագրված 98-րդ հոդվածի 4-րդ մասի համաձայն ես ներկայացնելու եմ ԱԺ հայտարարության նախգիծ ադրբեջանական հրձակման վերաբերյալ, եւ կխնդրեմ նաեւ իմ գործընկերոջը՝ Վլադիմիր վարդանյանին, որ հայտարարության տեքստը ներկայանցի, որը մենք կքննարկենք»,-ասաց Ալեն Սիմոնյանը:

Աղբյուր` Փաստինֆո